Аргентиналик журналист Конс Прети Insider нашрига футболчи Лионель Мессига ўхшаган сояли сурати туфайли қандай машҳур бўлганини айтиб берди.
Сурат тарихи
Прети 2014 йилда Лос-Анжелесдаги дўстлариникида зиёратда бўлганда деворга қараб суратга тушган.
Журналист суратни ижтимоий тармоқларга жойлаштирган ва бир оздан сўнг пост остидаги иккита изоҳни кўрган.
“Ҳаҳа, соянг юзга ўхшайди”, деб ёзган кимдир.
“Шошма! Бу Мессининг юзи-ку!”, деган журналистнинг дугонаси.
Аввалига Конс бунга унчалик аҳамият бермайди, чунки Мессига ўхшашлиги ҳақида биринчи ёзган таниши аргентиналик ва футболчининг мухлиси.
Кейинроқ Прети бу суратни Twitter’да (ҳозирда Х деб аталади) бўлишади ва бошқа фойдаланувчиларнинг Мессига ўхшашлиги ҳақида қандай фикрдалигини сўрайди.
Маълум бўлишича, кўпчилик фойдаланувчилар афсонавий футболчини Конс соясида кўради ва натижада сурат тармоқда кенг тарқалади.
Кичик машҳурлик
Ватанида журналист қиз машҳур бўлиб кетади. Бундан ташқари, Конснинг турмуш ўртоғи улар учраша бошлаганларида, унинг дўстлари ўша сурат қаҳрамонини дарҳол таниганликларини айтади.
Ҳозиргача ижтимоий тармоқ фойдаланувчилари мазкур суратни жойлаб, қизнинг сояси Лионель Мессига ўхшаб қолганига ҳайрон қолмоқда. Расмни спорт ишқибозлари ҳам баҳам кўришда давом этмоқда ва баъзи фойдаланувчилар мемлар яратган.
Конснинг сўзларига кўра, сурат ҳар йили интернетга тарқалади ва унинг дўстлари ва танишлари кейинги репостни кўрганларида уни доимий равишда ушбу фотосуратда белгилашади.
Охир-оқибат эътибор пасаяди деб ўйлагандим, лекин ундай бўлмади. Охирги икки кун ичида ижтимоий тармоқлардаги учта турли футбол аккаунти мазкур суратимни жойлаштирди.
Сўнгги пайтдаги суратнинг машҳурлик тўлқини мени ушбу фотосурат туширилган футболкага буюртма беришга ундади. Мен ҳар эҳтимолга қарши 2 та олиб қўйдим: тасодифан Месси билан учрашиб қолсам, футболкалардан бирини унга совға қиламан, — дейди журналист.
Изоҳ (0)