Аббосбек Файзуллаев: “Месси билан ўйнашни хоҳлайман”

“ЦСКА” ярим ҳимоячиси Аббосбек Файзуллаев Мatch TV телеканали орқали жаҳон чемпиони Лионель Месси билан бирга ўйнашни хоҳлашини айтди.

Якшанба куни Файзуллаэв ва дарвозабон Владимир Шайхутдинов Москвада бўлиб ўтган “ЦСКА” ва “Зенит” ўртасидаги баскетбол учрашувига ташриф буюрди. Ўйинда “Вашингтон” клуби билан Стенли кубоги ғолиблигини қўлга киритган Александр Овечкин ҳам иштирок этди. 

Аббосбек Файзуллаев журналистларнинг баъзи саволларига жавоб берди.

- Александр Овечкинни кўрганмисиз, унинг кимлигини биласизми?

- Ҳа, у афсонавий хоккейчи, мен уни бугун кўрдим.

— Овечкиннинг орзуси бор — Майкл Жордан билан суратга тушиш. Сизда қандай орзу бор?

“Мен Месси билан бирга ўйнашни хоҳлардим”, — деди Аббосбек Файзуллаев Матч TV каналига берган қисқа интервьюсида.

Аббосбек Файзуллаев Россия Премьер Лигасининг 28-турида “ЦСКА” клуби билан “Зенит”га қарши баҳс олиб борди. Чемпионат етакчиси мағлуб этилган ўйинда (O:1) Аббосбек Файзуллаев кичик жароҳат сабаб 84-дақиқада захирага олинди.