Мессининг 2021 йилдаги ғалабаси “Олтин тўп” тарихидаги энг катта “ўғрилик”. 2013 йилда Роналду эмас Рибери совринга эга чиқиши керак эди. Ноҳақ қўлга киритилган “Олтин тўп”лар топ-10 лиги

FourFourTwo нашри Лионель Месси уч марта “Олтин тўп” совринини ноҳақ қўлга киритган деб ҳисоблайди.

Британия нашри футбол тарихидаги 10 та “ўғрилик”ни тузиб чиқди. 

1. Роберт Левандовски 2021 йилда Мессининг ўрнига “Олтин тўп”ни олиши керак эди. Шунингдек, 2020 йилда ҳам соврин полшалик ҳужумчига берилиши лозим эди.

2. Терри Анри 2003 йилда Павел Недведдан, 2004 йилда Андрей Шевченкодан кўра “Олтин тўп”га лойиқроқ эди.

3. Уэсли Снейдер 2010 йилда Мессидан ноҳақ ортда қолганди.

4. 2013 йилги совринни Криштиану Роналду эмас, Франк Рибери олиши керак эди. 

5. Мессининг 2019 йилги соврини Виржил ван Дейкники бўлиши керак эди.

6. Роналду, Муҳаммад Салоҳ ва Антуан Гризманн 2018 йилги “Олтин тўп”га Лука Модричдан кўра кўпроқ лойиқ бўлган.

7. Альфред о ди Стефано 1956 йилда Стенли Метюзнинг ўрнига “Олтин тўп”ни олиши керак бўлган.

8. 2001 йилда Майкл Оуэнга берилган совринга Оливер Кан ёки Рауль ҳақли бўлган.

9. Луис Суарес 1960 йилда Ференс Пушкашни ортда қолдириши керак бўлмаган.

10. 2006 йилги “Олтин тўп” соврини Фабио Каннаварога эмас, Жанлуижжи Буффонга берилиши керак эди.

Эслатиб ўтамиз, 2023 йилги “Олтин тўп” совринини Лионель Месси қўлга киритди. Аргентиналик футболчи “Манчестер Сити” ҳужумчиси Эрлинг Ҳоландни ортда қолдириб, фаолиятидаги 8-совринга эга чиқди.