“Челси” ярим ҳимоячиси Коул Палмер Лионель Месси ва Криштиану Роналду ўртасида танлов қилди.
“Ўйин услуби ва қўлга киритган барча шахсий совринларини ҳисобга олсак, шубҳасиз, Месси. У шунчаки барча даврларнинг энг яхши футболчиси. Месси яққол Роналдудан олдинда, аммо Криштиану ҳам энг зўрлар рўйхатида”, — дея Палмернинг сўзларини келтирган Football Talk.
Лионель Месси фаолияти давомида саккиз марта “Олтин тўп”ни қўлга киритган. Криштиану Роналду бу мукофотга 5 бора эга чиққан.
Палмер “Манчестер Сити” жамоаси тарбияланувчиси ҳисобланади. Ярим ҳимоячи ўтган йилги ёзги трансфер ойнасининг сўнгги кунида 47 миллион евро эвазига “Челси”га ўтган эди. Жорий мавсумда ярим ҳимоячи лондонликлар сафида барча турнирларда 39 та ўйин ўтказиб, 21та гол ва 12 та голли узатмани амалга оширди. Футболчининг Лондон клуби билан шартномаси 2030 йилнинг июнь ойи охиригача амал қилади.
Transfermarkt интернет порталига кўра, футболчининг тахминий нархи 55 миллион еврони ташкил қилади.
Изоҳ (0)