Фабио Капелло Месси ва Роналдудан бирини танлади

Италиялик мураббий Фабио Капелло “Интер Майами” ҳужумчиси Лионель Месси ва “Ан-Насср” ҳужумчиси Криштиану Роналду ҳақида гапирди.

“Роналду ажойиб футболчи ва тўпурар, у кўплаб унвонлар ва “Олтин тўп”ни қўлга киритган, аммо у Лионель Месси каби зўр эмас. У ажойиб футболчи, аммо даҳо эмас”, — дея Капеллонинг сўзларини келтиради Спорт.

Месси 2023 йилнинг ёзидан буён “Интер Майами”да ўйнамоқда. Аргентиналик футболчининг клуб билан тузган шартномаси 2025 йилгача мўлжалланган. Жорий мавсумда Месси “Интер Майами” сафида барча мусобақаларда тўққизта ўйин ўтказиб, тўққизта гол ва бешта голли узатмани амалга оширди.

Жорий мавсумда Роналду барча турнирларда 37 та ўйинда қатнашиб, 36 та гол ва 12 та голли узатмани амалга оширди. У 2023 йилдан буён "Ан-Насср"да ўйнаб келмоқда.

Эслатиб ўтамиз, Лионель Месси фаолияти давомида саккиз марта “Олтин тўп”ни қўлга киритган ва бу кўрсаткич бўйича рекордчи ҳисобланади. Роналду эса ўз навбатида 5 марта “Олтин тўп”ни қўлга киритган.

Италиялик мураббий 1996—1997 ҳамда 2006—2007 йилларда “Реал Мадрид” клубини бошқарган.