2012 йилда интернетда тиниқ мовий кўзли, майин малла сочли ва бир оз қорамағиз қизалоқнинг расмларини кўп учратгандирсиз. У худди қўғирчоққа ўхшарди. Бу жозибали қизалоқ Айра Мари Браун эди.
Қизча туғилганиданоқ гўзаллиги билан атрофдагиларни мафтун этарди, шунингдек, камера олдида турли кийимларни кийиб, суратга тушишни жуда яхши кўрарди. Шунда қизчанинг онаси уни моделлик агентлигидаги кастингга олиб боради ва у билан ўша заҳоти шартнома тузилади. Шундай қилиб, кичкина Айранинг карьераси бошланади.
Етакчи болалар брендлари ўз коллекцияларида Браун суратга тушиш ҳуқуқи учун курашади. Энг ёш модел эса сартарош ва визажистнинг курсисида бир неча соатни сабр-тоқат билан ўтказиб, барча фотосуратчиларнинг кўрсатмаларига аниқлик билан амал қилади.
Баъзилар қизчанинг гўзаллигига мафтун бўлса, бошқалари унинг ота-онасини болалар меҳнатидан бойлик орттиришда фойдаланаётгани учун танқид қилишарди. Шундай қилиб, Айра солярий (қуёш нурида тобланадиган махсус жиҳозланган очиқ майдонча)ларга қатнай бошлайди, бу ҳатто катта ёшли одамларга ҳам фойда келтирмайдиган муолажа ҳисобланади. Табиатан оч тусли сочлари ёрқинроқ кўриниши учун бўялади, нозик бахмал териси эса декоратив косметика қатламлари билан қопланади.
Аммо қизча кеча-ю кундуз ишлаб, соғлиғига путур етказди, дейиш нотўғри бўларди. Айранинг онаси доимо қизининг тўғри овқатланишини назорат қилар, масалан, таркибида кофеин бўлган ичимликларни истеъмол қилиш ҳақида гап ҳам бўлиши мумкин эмасди. Бола чарчаши билан унга дарҳол дам олиш имконияти бериларди. Ва, албатта, ҳеч қандай парҳез қўлланилмасди. “Тирик фаришта” бошқа болалар сингари таомланар, ҳеч қандай оздирувчи парҳезлар қилмасди.
Тез орада қиз ўз ёш тоифасидаги энг кўп маош олувчи моделга айланади. Аммо вақт ўтар, Айра улғайиб борарди. Унинг чеҳраси ўзгариб, таниқли фотографлар кўришни орзу қилган ўша ёқимтой “тирик Барби”дан узоқлашарди. Шунга қарамай, қиз суратга олиш майдончаларидан ажралишни хоҳламайди, шунинг учун мактаб дарсларидан бўш вақтини барибир суратга тушиш билан ўтказади.
Ҳозир ҳеч ким Айрани “тирик фаришта” деб атамаса ҳам, унинг онаси қизини аввалгидек гўзал деб ҳисоблайди. 2024 йилда малласоч соҳибжамол 15 ёшга тўлади. Мактаб ўқитувчилари уни мунтазам равишда аъло баҳолари учун мақташади, шунингдек, у мустақил ва самимий инсон бўлиб ўсиб бораётганини таъкидлашади.
Бугунги кунда қиз келажакда ким бўлишини ҳали аниқ билмайди. У бир кун келиб подиумга қайтишини ва энг машҳур журналларнинг муқоваси учун суратга тушишини истисно қилмайди, лекин айни пайтда бошқа касбларни эгаллаш вариантларини кўриб чиқмоқда.
Изоҳ (0)