Дҳармендрага турмушга чиқиш учун Исломни қабул қилган “Зита ва Гита” юлдузи Ҳема Малини ҳозирда қандай кўринишда? (фото)

Таниқли “Зита ва Гита” фильми юлдузи Ҳема Малини Раманужам Чакраварти 1948 йилда Тамилнад штатида пулдор ва бой актёрлар оиласида туғилган. Онаси таниқли кино продюсери, ҳинд кинематографиясининг илк тамал тоши қўйилган пайтлардаёқ машҳурликка эришган эди.

Ҳеманинг ота-онаси унинг болалигиданоқ қизининг яхши таълим олиши ва кўп қиррали бўлиши учун ҳеч нимани аямади. Қиз вокал ва хореография билан шуғулланиб, кўп вақтини классик ҳинд рақсини ўрганишга бағишлайди.

Малини 17 ёшга тўлганида “Панда бу дунёни тарк этади” фильмида раққоса сифатида дебют рол ижро этди. Биринчи рол ёш актрисага у қадар катта шон-шуҳрат келтирмаган бўлса-да, раққосалик истеъдоди дарҳол томошабин назарига тушди.

Сўнг актриса 1968 йилда “Орзулар сотувчиси”, “Ворис” ва “Менинг исмим Жонни” фильмлари билан ҳинд киносининг асосий юлдузига айланди. “Зита ва Гита” эса Ҳемани Болливуднинг юзига айлантирди. Бу роль учун Малини Filmfare мукофотига сазовор бўлди.

“Зита ва Гита” фильми 1976 йилда экран юзини кўрди ва бутун дунёдаги ҳинд фильмлари ишқибозларининг меҳрини қозонди. Картинада болалигида ажратилган эгизак опа-сингиллар Гита ва Зита ҳаёти ҳақида ҳикоя қилинади.

Дастлаб Зита ва Гита образини яратиш Болливуднинг ўша вақтдаги энг машҳур актрисаси Мумтозга таклиф қилинган. Бироқ актриса кам гонорар туфайли фильмда рол ижро этишни рад қилган. Шундан сўнг бу рол Ҳема Малинига насиб қилган. Фильмда актриса икки хил характерли образларни шунчалик ишонарли тарзда ўйнадики, кўплаб томошабинлар Зита ва Гита образларини бир-бирига ўхшаш икки хил актриса гавдалантирган, деб ўйлашган эди.

Раки (Зитанинг севгилиси) ролини ижро этган Дҳармендра суратга олиш вақтида Малинини ёқтириб қолади, аммо у 19 ёшидан Пракаш Каурга уйланган ва 4 фарзандли оила бошлиғи бўлган.

Тез орада Дҳармендра ва Малини “Қасос ва қонун” (1975) фильмида ҳамкорлик қилди ва улар бир-бирлари учун яратилганини тушунди. Малинининг ота-онаси рафиқаси ва 4 нафар фарзандини ташлаб кетишга тайёр бўлган эркакка турмушга чиқишига қатъиян қарши бўлади ва улар дарҳол қизига куёв топади.

Дҳармендра қаллиғини мажбуран турмушга беришаётганидан хабар топгач, Ҳеманинг уйига бостириб киради ва катта жанжал кўтаради. Шундан сўнг Малинининг никоҳи бекор қилинади. Аммо барибир икки юлдуз бирга бўлолмади, чунки Дҳармендранинг қонуний рафиқаси ажрашишни истамас эди.

Натижада улар вазиятдан чиқишнинг йўлини топди: актёрлар Ислом динини қабул қилди, чунки Ислом ақидаларига кўра бир ва ундан ортиқ аёлга уйланиш мумкин эди. Ва ниҳоят 1980 йилда, танишгандан 8 йил ўтгач Ҳема Дҳармендрага иккинчи хотин сифатида турмушга чиқади. Бундан бир оз аввал Малинининг отаси вафот этган бўлади.

Ушбу никоҳдан Эша ва Аҳана исмли икки қиз дунёга келди ва улар ҳам оналари каби раққосалик касбини танлади.

2000 йилларнинг бошларида Малини фильмларда фаол рол ўйнади, кейин эса онасининг ишини давом эттиришга қарор қилди: актриса  Ҳема Малини Cреатионс режиссёрлик компаниясига асос солди. Бундан ташқари, актриса 2003 йилдан бери Ҳиндистон парламенти депутати ва ҳайвонларни ҳимоя қилиш фаоли сифатида ишлаб келмоқда.

Ҳозирда 74 ёшли Ҳема Малини нафақат бахтли рафиқа ва она, балки ғамхўр буви ҳамдир. Эр-хотин биргаликда ҳаётларини бошлаган беш қаватли ҳашаматли уйда яшайдилар. Малинининг уйи шунчалик улканки, унда нафақат бутун кутубхона ва рақс учун зал, балки шахсий ибодатхона ҳам бор.