Жаҳон ва ўзбек шоу-бизнеси вакилларининг Instagram саҳифаларига жойлаштирилган қизиқарли фото ва видеоларни эътиборингизга ҳавола этамиз.

Хонанда Лола айни пайтда Грузиянинг Тбилиси шаҳрида бўлиб турибди. У кузатувчиларига ўзи дуч келган кўнгилсиз ҳолат ҳақида сўзлаб берди ва бу шаҳарга келганда асло рус тилида гапирмасликни маслаҳат берди. Хонанданинг айтишича, кийим дўконларидан бирининг сотувчиси унинг русча гапирганини эшитиб қолган ва унга бунинг эвазига қўпол муомала қилган.

Зоҳиршоҳ Жўраев отасининг 2021 йилда Истанбул шаҳрида тушган суратини саҳифасига жойлади. Ўшанда марҳум санъаткор оғир операцияни бошдан кечирган эди. 

Ўзбекистонлик ёш хонандалари устозлар куни муносабати билан тўпланиб, ёши катта санъаткорларга совғалар улашишди.

Рихситилла Абдуллаев россиялик таниқли актриса Наталя Варлей билан тушган суратини саҳифасига жойлади. 

Россиялик таниқли хонанда Дима Билан Самарқанд шаҳрига сайёҳ сифатида келди

Марям Тиллаева кузатувчилари эътиборига Хеллоуин байрамига тайёрлаётган образини намойиш этди. 

Наргиза Салмонова 1-октябр куни 34 ёшни қарши олди. Унинг турмуш ўртоғи саҳифаси орқали туғилган куни билан табриклаб, актрисанинг болаликдаги расми туширилган торт совға қилди. 

3-октябр куни Муниса Ризаеванинг онаси Дилором Бўрихўжаева туғилган кунини нишонламоқда. Хонанда турмуш ўртоғи Арсений билан онасини биринчилардан бўлиб табриклади.

Хонанда Манзура Истанбул шаҳрига саёҳатга жўнаб кетди.

3-октябрь куни ўзбек киносининг “Кичкина табиб”и — Дилшодбек Каттабеков уйланди. Тўйда кўплаб шoу-бизнес вакиллари меҳмон бўлди.