Рақобатни ривожлантириш ва истеъмолчилар ҳуқуқларини ҳимоя қилиш қўмитаси UNG Petro компаниясининг хусусийлаштирилиши бўйича келишувни ўрганмоқда. Бу ҳақда 20 март куни АОКАда ўтказилган матбуот анжуманида қўмита раиси ўринбосари Фаррух Карабаев маълум қилди.
Рақобатни ривожлантириш ва истеъмолчилар ҳуқуқларини ҳимоя қилиш қўмитаси раиси ўринбосари Фаррух Карабаевнинг айтишича, мазкур масала ўрганилмоқда.
“ ‘Рақобат тўғрисида’ги қонун талабларидан келиб чиқиб, бозор концентрациясини назорат қилиш нуқтайи назаридан, олдиндан розилик қилиш масаласи бор. Айрим ҳолатларда, истисно тариқасида, бу механизм қўлланмайди. Биз ҳам ҳозир бу ҳолатни ўрганяпмиз. Агар бу ҳолатда инвестор томонидан тегишли қонунчилик ҳужжатларига таъсир аниқланса, тегишли тартибда иш кўрамиз”, — дейди Фаррух Карабаев.
Аввалроқ собиқ ташқи ишлар вазири Абдулазиз Комиловнинг ўғли Дониёр Комиловга тегишли Petroleum Technology Group компанияси Ўзбекистонда 78 та заправкага эга бўлган UNG Petro компаниясининг янги эгасига айлангани ҳақида хабар берилганди.
Изоҳ (0)