Корхоналар ва ташкилотларнинг ягона давлат реестридан қуйидаги маълумотларга кўра, Petroleum Technology Group компанияси Ўзбекистонда 78 та заправкага эга бўлган UNG Petro компаниясининг янги эгасига айланди.
Бунга қадар заправкаларнинг эгаси “Ўзбекнефтгаз” компанияси бўлган. Давлат активларини бошқариш агентлиги 2023 йил май ойида 78 та заправкага эга бўлган UNG Petro МЧЖ хусусийлаштирилишини эълон қилган эди.
Petroleum Technology Group компанияси ҳозиргача UNG Petroъни қачон ва неча пулга сотиб олгани ҳақида хабар бермаган.
Маълумот учун, Д.Комилов Давлат хавфсизлик хизматининг собиқ биносини сотиб олган Метропол Group МЧЖнинг ҳам ягона таъсисчиси ҳисобланади.
Иқтисодчи Отабек Бакиров бу борада фикр билдирар экан, “Давактив Ўзбекистондаги энг йирик заправка тармоғини яна ими жимида, ёпиқ кабинетларда танланган ”эгасига“ топшириб қўя қолган кўринади”, дея ёзмоқда.
“Сопини ўзидан чиқариб қўйишмаган бўлишганида, қанақадир ”гўзаллик конкурси“ ўтказишган ёки икки қатор очиқ ахборот беришган бўлишарди. Эниданам, бўйиданам, остиданам, устиданам таланаётган Ўзбекнефтегазни МЧЖга айлантириб, тугатиб юборишса керак. Яна нимаси қолди ўзи?”, — дея қўшимча қилади у.
Изоҳ (0)