Самарқанд шаҳридаги газ қуйиш шохобчасида 25 февраль куни Nexia-3 машинасига ўрнатилган газ баллонида портлаш содир бўлди. Бу ҳақда вилояти Ички ишлар бошқармаси ахборот хизмати хабар берди.
Қайд этилишича, ҳолат соат 11:00 атрофида “Ҳунармандлар” МФЙ Бедил кўчасида жойлашган “Камалак” МЧЖга қарашли автомобилларга сиқилган газ қуйиш шохобчасида содир бўлган.
Шу ерда ишчовчи ходим — Паст Дарғом туманида яшаган, 43 ёшли М.З. фуқаронинг Nexia-3 автомашинасига газ қуяётганда багаж қисмига ўрнатилган газ баллонининг ёрилиб кетиши оқибатида портлаш келиб чиққан.
Ҳодиса оқибатида МЧЖ ишчиси М.З. куйиш жароҳатлари олиб, воқеа жойида вафот этган. Мазкур ҳолат юзасидан дастлабки суриштирув ишлари олиб борилмоқда.
Изоҳ (0)