Наманган шаҳридаги автомобилларга метан газ тўлдириш шохобчаларининг деярли барчаси бугун, 18 январь куни фаолият кўрсатмади. Бу ҳақда “Дарё” мухбири Азизбек Абдувалиев хабар бермоқда.
Фото: Оқилхон Мамажанов
Ушбу ҳолат мутасаддилар томонидан шаҳар магистрал газ тармоқларида газ босими пасайиб кетгани билан изоҳланмоқда.
“Аслида яна соатли, яъни 7.00 дан 15.00 гача бўлган графикка ўтмоқчи эдик, лекин ҳозир шунинг ҳам имкони бўлмаяпти, чунки босим жуда паст. Шохобчалар очиқ бўлган тақдирда ҳам автомобиль эгаларига газ етказиб беролмайди. Нафақат Наманган шаҳрида, балки бутун вилоят бўйича шу аҳвол”, —дейди “Дарё” суҳбатдоши.
Маълумот учун, бугунги кунда Наманган шаҳрида жами 27 та, вилоят бўйича эса 131 та автомобилларга газ тўлдириш шохобчаси фаолият кўрсатмоқда.
Изоҳ (0)