Ўзбекистонликлар Германияга 6 та соҳа бўйича ишга таклиф қилинмоқда. Маош — 2,4 минг евро

Ўзбекистонликлар Германияга 6 та соҳа бўйича ишга таклиф қилинмоқда, деб хабар бермоқда Ташқи меҳнат миграцияси агентлиги ахборот хизмати.

Унга кўра, Германияга қуйидаги соҳаларда ишга таклиф этилади: пайвандчи, муҳандис-механик, саноат механиги, мехатроника муҳандиси, омбор логистикаси, металл технологияси муҳандиси. Номзодлар учун қуйидаги имкониятлар тақдим этилган:

• Ойлик маош 2 420 евродан бошланади;
• Ўзбекистондан Германияга авиачипта ва трансфер иш берувчи ҳисобидан;
• арзонлаштирилган яшаш жой топишга кўмаклашилади;
• ҳафтасига 40 соат иш.

Номзодлар учун талаблар:

• 45 ёшгача;
• Немис тилидан Гёте ёки ECL дан олинган А2 сертификат (А1 сертификатига эга номзодлар ҳам рўйхатдан ўтиб, танлаб олиниб, виза олинишига қадар А2 сертификат тақдим этиши лозим);
• Саноат механиги, мехатроника техниги, метал технологияси бўйича мутахассис, махсус омбор ходими, қишлоқ хўжалиги ва техникаси механиги/мехатроника техника каби соҳаларда касбий таълим ва ўрта махсус таълим дипломи;
• Автомобилсозлик, машинасозлик, аграр хўжалиги машинасозлиги техник йўналишида бакалавр дипломи;
• Соҳада камида бир йиллик тажриба;
• Судланмаган;
• Жисмонан соғлом.

Номзодлар қуйидаги ҳужжатларни юклаган ҳолда рўйхатдан ўтиши мумкин:

• Хорижга чиқиш паспорти (pdf шаклда);
• Коллеж, техникум ёки бакалавр дипломи (pdf шаклда);
• Немис тилини билиш сертификати (pdf шаклда);
• Судланмаганлик тоғрисида тасдиқнома (pdf шаклда);
• Таржимаи ҳол (Lebenslauf, pdf шаклда).

Рўйхатдан ўтиш