Таиланд ҳукумати иқтисодиётни ривожлантириш дастури доирасида фуқароларга 10 000 бат (300 доллар) миқдорида нафақа тўлайди. Бу ҳақда Reuters агентлиги хабар берди.
Биринчи босқичда дастур аҳолининг ижтимоий ҳимояга муҳтож қатламлари, давлат ижтимоий таъминот карталари эгалари ва ногиронлиги бўлган 14,5 миллион фуқарони қамраб олади. Дастурда иштирок этиш учун жами 36 миллион киши рўйхатдан ўтган.
Дастлаб, маблағларни смартфон иловаси орқали махсус ишлаб чиқилган рақамли ҳамёнга ўтказилиш режалаштирилган эди, бироқ бу схемани амалга ошириш кейинга қолдирилди. Пул тўғридан тўғри фуқароларнинг банк ҳисоб рақамларига ўтказилади.
2023 йилда Таиланд ялпи ички маҳсулотининг ўсиши 1,9 фоизни ташкил этди, бу кутилганидан ёмонроқ кўрсаткич.
Мамлакат уй хўжаликларининг қарзи, заиф экспорт ва туризмдан тушган даромадларнинг пасайиши туфайли минтақадаги қўшниларидан ортда қолмоқда.
Изоҳ (0)