Гўзаллик танловининг кўплаб иштирокчилари унутилмас таассурот қолдиради. 1965 йилги “Дунё гўзали” танловининг ғолиби Апасра Хонгсакула нафосат ва гўзалликнинг ажойиб намунасидир. Ҳозир у 76 ёшда бўлса-да, ҳали ҳам ҳайратланарли даражада ёш кўринади.
Апасра Хонгсакула “Дунё гўзали” танловида ғолиб чиққан биринчи Таиланд вакилидир.
Апасра Хонгсакула ҳанузгача халқ ғурурига сабаб бўлган “Дунё гўзали” танловида 1965 йилда ғолиб чиқади. Унинг жозибаси ва беқиёс гўзаллиги халқаро саҳнада катта таассурот қолдиради, унинг ғалабаси эса ҳали ҳам Таиланд гўзаллик танловлари тарихида муҳим воқеа бўлиб қолмоқда.
Вақт унинг ёшига ўз ҳукмини ўтказолмаганга ўхшайди
76 ёшида ҳам Апасра Хонгсакула гўзаллигини сақлаб қола олган. Набираси билан тушган фотосуратда кўпчилик аёлнинг ташқи қиёфасини эътиборсиз қолдирмайди: “Бувижон жуда ёш кўринади”. Апасра — “чиройли қариш”нинг ҳақиқий намунасидир.
Пластик жарроҳлик айбловларига қарамай, Апасра гўзаллик сирларини ошкор қилди
Апасранинг менежери қаришга қарши қиммат процедуралар ҳақидаги миш-мишларни рад этади. Унинг сўзларига кўра, Апасра тўлқинсимон соч турмагидан воз кечган, ҳозирда унинг сочлари текис, ташқи кўринишида бошқа ҳеч нарса ўзгармаган.
Унинг тушунтиришича, Апасра кундалик режимининг асоси ўз-ўзини парвариш қилиш, жумладан, яхши овқатланиш, мунтазам жисмоний машқлар ва тери учун қуёшдан ҳимояловчи воситалардан фойдаланишдан иборат.
Изоҳ (0)