Греция The Economist журналининг 2023 йилда иқтисодиёти энг яхши натижаларга эришган давлатлар рўйхатида биринчи ўринни эгаллади.
Греция кетма-кет иккинчи марта бу номга сазовор бўлмоқда. Мамлакат фонд бозорининг реал қиймати 40 фоизга ошган. Бироқ, экспертларнинг таъкидлашича, мамлакат ҳали ҳам “2010 йиллар бошидагига қараганда қашшоқроқ”.
The Economist мамлакатлар рейтингини беш кўрсаткич бўйича тузди: инфляция, бандлик, ялпи ички маҳсулот, иш ўринлари ва фонд бозори. Кейинги ўринларни мос равишда Жанубий Корея, АҚШ, Исроил ва Люксембург эгаллади. Рейтингдан жами 35 та давлат жой олди, Буюк Британия, Швеция, Словакия, Австрия, Исландия ва Финляндия охирги ўринларни қайд этди.
2010 йилда Греция дефолтни олдини олиш учун Европа Иттифоқига ёрдам сўраб мурожаат қилганди. 2010 ва 2015 йиллар орасида унга учта ёрдам пакети тақдим этилган. Бу йиллар давомида Греция ялпи ички маҳсулоти бюджетни тежаш фонида 25 фоизга камайган.
2018 йил август ойида мамлакат учинчи ташқи макромолиявий ёрдам дастурини муваффақиятли якунлади ва кредиторлар томонидан қаттиқ назорат механизмидан чиқди.
Изоҳ (0)