Американинг Goldman Sachs инвестиция банки прогнозларига кўра, 2075 йилга бориб Ҳиндистон иқтисодиёти нафақат Япония ва Германияни, балки АҚШни ҳам ортда қолдириб, дунёда иккинчи ўринга чиқади ва ўсиш суръати Хитойга яқинлашади.
Дунёнинг кўплаб етакчи корпорациялари ўз ишлаб чиқаришларини Хитойдан Ҳиндистонга кўчиришни бошладилар, бу эса Ҳиндистон саноатини, жумладан, юқори технологияларни сезиларли даражада рағбатлантиради.
Американинг Goldman Sachs инвестисия банки прогнозларига кўра, апрель ойида аҳоли сони бўйича Хитойни ортда қолдирган Ҳиндистон 2075 йилга бориб ЯИМ бўйича унга етиб олади.
Goldman Sachs таҳлилчиси Сантану Сенгуптанинг фикрича, 52 йилдан кейин иқтисодиёт ҳажми қуйидагича кўринишга келади:
- Хитой — 57 триллион доллар;
- Ҳиндистон — 52,5 триллион доллар;
- АҚШ — 51,5 триллион доллар;
- Еврозона — 30,3 триллион доллар;
- Япония — 7,5 триллион доллар.
Ҳиндистоннинг иқтисодий салоҳиятини рўёбга чиқаришнинг асосий омили сифатида мутахассислар унинг устунлигини ишчи кучида, шунингдек, ўз истеъдодларини етиштиришда кўришмоқда.
“Кейинги 20 йил ичида Ҳиндистоннинг қарамлик даражаси минтақавий иқтисодлар орасида энг паст кўрсаткичлардан бири бўлади,” — деб ҳисоблайди жаноб Сенгупта. “Ҳиндистон ушбу имкониятдан ишлаб чиқариш салоҳиятини ошириш, хизмат кўрсатиш соҳаси ва инфратузилмани ривожлантириш учун фойдаланиши мумкин”.
Ҳозир бу давлат иқтисодиёти АҚШ, Хитой, Германия ва Япониядан кейин дунёда бешинчи ўринда туради.
Изоҳ (0)