Tailand hukumati iqtisodiyotni rivojlantirish dasturi doirasida fuqarolarga 10 000 bat (300 dollar) miqdorida nafaqa to‘laydi. Bu haqda Reuters agentligi xabar berdi.
Birinchi bosqichda dastur aholining ijtimoiy himoyaga muhtoj qatlamlari, davlat ijtimoiy ta’minot kartalari egalari va nogironligi bo‘lgan 14,5 million fuqaroni qamrab oladi. Dasturda ishtirok etish uchun jami 36 million kishi ro‘yxatdan o‘tgan.
Dastlab, mablag'larni smartfon ilovasi orqali maxsus ishlab chiqilgan raqamli hamyonga o'tkazilish rejalashtirilgan edi, biroq bu sxemani amalga oshirish keyinga qoldirildi. Pul to'g'ridan to'g'ri fuqarolarning bank hisob raqamlariga o'tkaziladi.
2023-yilda Tailand yalpi ichki mahsulotining o'sishi 1,9 foizni tashkil etdi, bu kutilganidan yomonroq ko‘rsatkich.
Mamlakat uy xo'jaliklarining qarzi, zaif eksport va turizmdan tushgan daromadlarning pasayishi tufayli mintaqadagi qo'shnilaridan ortda qolmoqda.
Izoh (0)