Осиё Кубоги. Ўзбекистон терма жамоаси Таиландни мағлуб этиб, чорак финал йўлланмасини қўлга киритди

Футбол бўйича Осиё Кубогининг нимчорак финал баҳсида Ўзбекистон терма жамоаси 30 январь, сешанба куни Таиландга қарши баҳс олиб борди. 

Учрашув Ўзбекистоннинг устунлигида бошланди. Тўп назоратини қўлга олган ва бир нечта хавфли вазиятларни яратган ўзбекистонликлар 37-дақиқага келиб, ҳисобни очди. Диёр Холматовнинг ажойиб узатмасини Азизбек Турғунбоев ўзига мослаб олди ва тўпни дарвоза томон йўллади. 

Биринчи бўлим кичик ҳисоб билан якунланди. 

Иккинчи бўлимда эса таиландликлар фаолроқ ҳаракат қила бошлади. 58-дақиқага келиб, Сарачарт мувозанатни тиклади. Ўзбекистон ҳам голни кўп куттирмади. 65-дақиқада Машарипов пас берди ва Аббосбек Файзуллаев ажойиб зарба билан тўпни дарвозага жойлаб қўйди.

Сречко Катанес жамоаси чорак финалда Қатар терма жамоасига қарши баҳс олиб боради.

Осиё Кубоги

1/8 финал босқичи

30 январь, сешанба

Ўзбекистон — Таиланд 2:1

Голлар: 1:0 — 37 Азизбек Турғунбоев, 1:1 — 58 Сарачарт, 2:1 — 65 Аббосбек Файзуллаев.

Ўзбекистон: Ўткир Юсупов, 4. Фаррух Сайфиев, 5. Рустам Ашурматов, 6. Диёр Холматов, 9. Одил Ҳамробеков, 10. Жалолиддин Машарипов (Жамшид Искандеров, 81), 11. Остон Ўрунов (Ҳожимат Эркинов, 67), 15. Умар Эшмуродов, 19. Азизбек Турғунбоев (Зафармурод Абдираҳматов, 81), 22. Аббосбек Файзуллаев (Жамшид Болтабоев, 90+1), 25. Абдуқодир Ҳусанов.

Таиланд: 23. Пативат Ҳаммаи, 3. Тератхон Бунматхан, 4. Элиас Долах, 6. Сарачи Ёоэн, 9. Супачаи Чаидед, 12. Микелсон Лук Саа, 14. Рунграт Пхумичантук (22. Чаннаронг Промсрикаев, 73), 17. Панса Ҳемвибон, 18. Вееартхеп Помпхун, 19. Патхомпон Чароэнтраттанапиром (7. Сарачат Супачок, 46), 24. Ворачи Каницрибумпен (10. Муэнта Супханат, 46).

Огоҳлантириш: Ҳусанов (87).