SMBC Aviation Capital kompaniyasi Uzbekistan Airways bilan ikkita Airbus A321neo samolyoti uchun yangi lizing shartnomasini tasdiqlanganini ma’lum qildi.
Samolyotlar 2026-yilda O‘zbekistonga yetkazib beriladi.
Mazkur samolyotlar Uzbekistan Airways uchun yangi turdagi samolyot bo‘lib, aviakompaniyaga Yevropa va Janubi-Sharqiy Osiyoga yo‘nalishlarini kengaytirish imkonini beradi.
“O‘zbekiston havo yo‘llari Markaziy Osiyo mintaqasida aviatashuvlar bo‘yicha yetakchi bo‘lishni o‘z oldiga ulkan maqsad qilib qo‘ygan. Yo‘nalishlar tarmog‘ini doimiy ravishda kengaytirish, parvozlar sonini ko‘paytirish va ularni Airbus A320/A321 NEO oilasining yangi samolyotlarida samarali boshqarish rejalashtirilgan. Ushbu turdagi samolyotlar qulay parvoz va qiziqarli sayohat uchun zarur shart-sharoitlarni ta’minlashga yordam beradi. Shubhasiz, bu maqsadlarning barchasiga SMBC Aviation Capital’dan yangi samolyot olish tufayli erishamiz”, deydi Uzbekistan Airways boshqaruvi raisi Shuhrat Xudayqulov.
SMBC Aviation Capital aviakompaniyasining marketing bo‘limi rahbari Konor Stafford Uzbekistan Airways’ni SMBC Aviation Capital’ning yangi mijozi sifatida kutib olishdan mamnunligini hamda ko‘p yillik muvaffaqiyatli hamkorlikka tayyor ekanini ma’lum qilgan.
Bosh qarorgohi Dublinda (Irlandiya) joylashgan SMBC Aviation Capital dunyodagi eng yirik samolyot lizing kompaniyalaridan biri hisoblanadi. Kompaniya yuqori sifatli global aviakompaniya mijozlar bazasiga ega bo‘lib, portfelining 83 foizi tor korpusli samolyotlar va 66 foizi yangi texnologiyali samolyotlardan iborat.
1000 dan ortiq samolyotlardan iborat parkka ega bo‘lgan SMBC Aviation Capital kuchli kapital pozitsiyasiga ega va S&P va Fitch’da mos ravishda A- va BBB+ reytinglariga ega.
Izoh (0)