Бухорода содир бўлган газ портлаши оқибатида бир киши ҳалок бўлиши, давлат раҳбари раислигида Хоразмда ўтказилган йиғилиш, “Ўзбекнефтгаз” заправкалари эгасига айланган собиқ ташқи ишлар вазири Абдулазиз Комиловнинг ўғли – “Дарё” нашри бугун, 1 мартда эълон қилинган Ўзбекистоннинг ижтимоий-сиёсий ҳаётига оид эътиборга молик хабарларни бир жойга тўплади.
Фарғона ва Андижон вилоятларида 3,5 магнитудали зилзила кузатилди
Ерости силкинишининг эпицентри Қува туманида жойлашган.
“Ўзгидромет” олтита вилоятда қор кўчиш хавфидан огоҳлантирди
1—7 март кунлари ёғингарчилик ҳамда ҳаво ҳароратининг ўзгариши кутилмоқда.
Қорақалпоғистонда адвокат судьяга 10 минг доллар пора бераётганида қўлга тушди
Бу пул эвазига жиноятда айбланаётган шахсга енгиллик қилиб беришни сўраган.
Бухорода газ портлаши оқибатида бир киши ҳалок бўлди
Яна бир нафар фуқаро турли даражадаги тан жароҳатлари билан шифохонага юборилган.
Хоразм тадбиркорлари учун қатор имтиёзлар белгиланди
Хусусан, экспортчиларга бошқа вилоятдан хом ашё етказиб бериш учун йўл харажатлари 50 фоизи қопланади, давлат мулки ва ерларини хусусийлаштиришда 5 йил бўлиб тўлаш имкони берилади.
Ҳазораспда хитойлик инвесторлар билан 300 млн долларлик тўртта лойиҳа амалга оширилади
Ушбу лойиҳалар лак-бўёқ, шиша маҳсулоти ва электротехника йўналишига тааллуқли.
Шавкат Мирзиёев Хоразм вилоятига 1 млрд доллар хорижий инвестиция жалб қилиш вазифасини қўйди
Шунингдек, вилоят 600 млн долларлик экспортни амалга ошириши лозим бўлади.
Хоразмга кириш учун “Ўзбекистон – менинг иккинчи уйим” виза тизими жорий қилинади — Шавкат Мирзиёев
Туризмни қўллаб-қувватлаш жамғармасининг тушуми 3 йил давомида Хоразмнинг ўзида қолдирилади.
Хоразмда аҳоли учун ҳар бир тумандан 100 гектардан ер бўлиб берилади
Шунингдек, 10 та кичик агрологистик марказ қурилиб, тадбиркорларга тайёр ҳолда таклиф қилинади.
“Хоразм вилоятида тупроқ йўллар умуман қолмаслиги керак” — Шавкат Мирзиёев
Вилоятда электр тармоқлари, оқова сув тармоғини яхшилаш чоралари ҳам кўрилади.
Ваколати тугатилган судьялар, судларга турли вазифалар юклаётган депутатлар — Судьялар олий кенгашининг 2023 йилдаги сарҳисоби
Фаолиятида хато ва камчиликларга йўл қўйгани учун 2023 йилда 49 нафар судьянинг ваколати муддатидан илгари тугатилган.
Собиқ ташқи ишлар вазири Абдулазиз Комиловнинг ўғли “Ўзбекнефтгаз” заправкалари эгасига айланди
Petroleum Technology Group компанияси UNG Petro’ни қачон ва неча пулга сотиб олгани ҳақида хабар бермаган.
“Миллий руҳ ва ғурур ёшларнинг энг кучли қуроли бўлиши керак” — Шавкат Мирзиёев
Президент Урганчдаги Жалолиддин Мангуберди номидаги ҳарбий-академик лицейни бориб кўрди.
Фарғонада фуқаро Ўзбекистон Қизил китобига киритилган лайлакни парваришлаб келаётгани аниқланди
Қуш тўлиқ тузалгач, очиқ табиатга қўйиб юборилиши айтилди.
Андижонда “права”си бўлмаган шахс Tracker’ни қарама-қарши йўналишда ҳайдади
Ҳолат бўйича маъмурий баённома расмийлаштирилиб, автомобиль вақтинча сақлаш учун жарима майдонига қўйилган.
Изоҳ (0)