Шавкат Мирзиёевнинг Маккада бўлиб турган муфтий Нуриддин Холиқназар билан телефон орқали мулоқот қилиши, Кинематография агентлиги директори Фирдавс Абдухолиқов вазифасидан озод этилиши, Андижонда ҳаракатланаётган Gentra ойнасидан танасини чиқарган қизга чора кўрилиши — “Дарё” нашри бугун, 5 июнда эълон қилинган Ўзбекистоннинг ижтимоий-сиёсий ҳаётига оид эътиборга молик хабарларни бир жойга тўплади.
Ўзбекистоннинг 2 та олийгоҳи дунёнинг топ-1000 талик ОТМлари рейтингига киритилди
Буюк Британиянинг халқаро рейтинг агентлиги QS World University Rankings-2025 натижаларини эълон қилди.
Тошкентда мактабда юқори лавозимга ишга ўтказиш эвазига 200 доллар олган ўқитувчи ушланди
Суд ҳукми билан унга 2 йил 1 ой муддатга озодликдан чеклаш жазоси тайинланди.
Ўзбекистондаги йирик бозорлар темир панжаралар билан ўраб олинади
Ички ишлар вазирлиги бу борадаги ҳукумат қарори лойиҳасини муҳокамага қўйди.
Ўзбекистонда алкоголь ва тамаки бозорини тартибга солиш инспекцияси ташкил этилади
Истеъмол ва техник этил спирти, алкоголь маҳсулотларини ишлаб чиқаришда қўшимча лицензия талаблари жорий этилади.
Андижонда ҳаракатланаётган Gentra ойнасидан танасини чиқарган қизга чора кўрилди
Машина ҳайдовчисининг ҳам тегишли ҳужжатлари бўлмаган ва у ЙПХ ходимининг қонуний талабларига бўйсунмаган.
“Уларнинг фаолиятини шу бугуноқ тўхтатиш керак” — Нурмат Отабеков Андижондаги айрим боғчалар ҳақида
Болаларни овқатлантириш ҳолати ўрганилганда уларнинг айримларида талабларга риоя этилмагани аниқланди.
Самарқандда раҳбар ва котибанинг ишқий муносабатидан 10 минг доллар ишлаб олмоқчи бўлган шахс қамоққа олинди
Вилоят ИИБ фош этилган бир нечта товламачилик жиноятлари ҳақида маълумот берди.
Шавкат Мирзиёев Маккада бўлиб турган муфтий Нуриддин Холиқназар билан телефон орқали мулоқот қилди
Давлат раҳбари ҳаж зиёратига тайёргарлик жараёнлари, ўзбекистонликлар учун яратилган шароитлар, уларнинг саломатлиги ва кайфияти ҳақида сўради.
Кинематография агентлиги директори Фирдавс Абдухолиқов вазифасидан озод этилди
“Дарё” манбаси Абдухолиқов қайси лавозимга тайинлангани ва агентликни вақтинча бошқариш кимга юклатилганини маълум қилди.
Саида Мирзиёева ЖСТ бош директори билан учрашув ўтказди
Суҳбат чоғида Ўзбекистоннинг ЖСТга қўшилиши давлат раҳбари учун ўта муҳим устувор масала эканига алоҳида эътибор қаратилди.
Ўзбекистонда Савдо сиёсати бўйича компетенция маркази ташкил этилиши мумкин
Шавкат Мирзиёев Жаҳон савдо ташкилоти бош директорини қабул қилди.
“Болалар келажакда соғлом бўлиши, тўлақонли ҳаёт кечириши учун барча имкониятларни ишга солиш бурчимиздир” — Зироат Мирзиёева
Ўзбекистонда болалар онкологияси ва гематологияси бўйича “Далилларга асосланган ҳаракат” биринчи халқаро конгресси ўтказилмоқда.
Шавкат Мирзиёев Туркияга жўнаб кетди
Анқара шаҳрида Ўзбекистон ва Туркия етакчилари олий даражадаги Стратегик ҳамкорлик кенгашининг учинчи йиғилишини ўтказади.
БМТ Ўзбекистонга янги доимий координатор тайинлади
Бахтиёр Саидов янги тайинланган координаторни қабул қилди.
Изоҳ (0)