Ҳавосининг ифлослиги бўйича дунёда 1-ўринга чиққан Тошкент, озодликка чиққан Аброр Мухтор Алий, фаолияти тўхтатиб турилиши сўралган 40 га яқин умра зиёрати билан шуғулланувчи туроператор – “Дарё” нашри бугун, 21 февралда эълон қилинган Ўзбекистоннинг ижтимоий-сиёсий ҳаётига оид эътиборга молик хабарларни бир жойга тўплади.
Тошкент ҳавосининг ифлослиги бўйича дунёда 1-ўринга чиқди
Пойтахт ҳавосида майда ПМ2,5 дисперс зарраларининг концентрацияси 196 мкг/м3 ни ташкил этмоқда.
Олмалиқдаги металл тайёрлаш цехида содир бўлган ҳолат юзасидан жиноят иши қўзғатилди
Вақтинчалик қурилма томининг қулаб тушиши оқибатида уч нафар ҳиндистонлик ҳалок бўлган эди.
ДХХ томонидан Тожикистон ва Қирғизистондан олиб келинган наркотик моддалар тўхтатиб қолинди (видео)
Хусусан, Самарқандда икки фуқаро 2,8 кило опийни 40,5 минг долларга сотаётганида ушланди.
Аброр Мухтор Алий озодликка чиқди
У 15 сутка маъмурий қамоқни 13 суткада якунлаган.
Транспорт прокуратураси Туризм қўмитасидан умра зиёрати билан шуғулланувчи 40 га яқин туроператор фаолиятини тўхтатиб туришни сўради (рўйхат)
Айтилишича, туризм фаолиятини амалга ошириш билан шуғулланувчи бир қатор тадбиркорлик субъектларининг мансабдор шахсларига нисбатан Жиноят кодексининг тегишли моддалари билан қўзғатилган жиноят иши юзасидан дастлабки тергов ишлари олиб борилмоқда.
Олмалиқда том қулаши оқибатида жабрланган ҳиндистонликларнинг аҳволи ҳақида маълумот берилди
Уларнинг 6 нафари операция қилинган, қолган 17 нафар жабрланувчига тиббий ёрдам кўрсатилмоқда.
“14 ёшли қиз унаштирилгач, хаёли ўқишда эмас, йигитидан келадиган SMS'да бўлади”. Қашқадарёлик талаба қиз ҳокимга эрта турмушнинг олдини олиш бўйича таклиф берди
“Ҳурматли ота-оналар, фарзандингизни ўқитсангиз, қўпол бўлса ҳам у эрсиз қолиб кетмайди. Яхши ўқиган қиз тенгини топади деган маънода биз тарғиботга борсак”, — дейди Маржона Жўрақулова.
Ўзбекистонда такси хизмати учун нақд пул тўланганда электрон чек бериш бошланди
“Солиқ” мобил иловасида бундай чеклар учун кешбэк ҳисобланмайди.
Нукус шаҳри ва вилоят марказлари учун мингта автобус сотиб олинади
Бунинг учун халқаро молиявий ташкилотдан 120 миллион доллар жалб қилинади.
Тошкентга уч тонна истеъмолга яроқсиз товуқ гўшти олиб кетаётган юк машинаси тўхтатиб қолинди
Машина Бухородан келаётган бўлган.
Тошкентда икки фирма уй-жойлар қуриб, сотиш билан фуқароларни алдаб, 27 млрд сўмни ўзлаштиргани аниқланди
Одамлар коттеж турар жойлар учун бошланғич тўлов сифатида 125 миллон сўмдан тўлаган.
Шавкат Мирзиёев Қозон шаҳрига борди
Ташриф дастурига мувофиқ, Ўзбекистон президенти Россия президенти билан музокара ўтказади.
Ўзбекистонда январь ойида аҳоли томонидан сезилган инфляция даражаси маълум қилинди
Энг юқори кўрсаткич Тошкент шаҳри ва Самарқанд вилоятида кузатилган.
Олий суднинг кассация инстанцияси 2023 йилда шикоят асосида 13 мингдан ортиқ ишни кўриб чиққан
Олий суд масъуллари иштирокида матбуот анжумани бўлиб ўтди.
Ўзбекистонга 2023 йилда қанча турист келгани ҳақида маълумот берилди
Ушбу кўрсаткич ўтган йилнинг мос даври билан солиштирилганда 1,4 млн нафарга ошган.
Тошкент вилоятида корхона раҳбари қурилиш учун берилган 373 млн сўмни ўзлаштиргани аниқланди
Ҳолат юзасидан жиноят иши қўзғатилиб, тергов ҳаракатлари ўтказилмоқда.
Ўзбекистон ва Россия президентлари темир йўл транспорти соҳасидаги ҳамкорликни мустаҳкамлаш масаласини муҳокама қилди
Шавкат Мирзиёев ва Владимир Путиннинг учрашуви бўлиб ўтди.
Изоҳ (0)