Gazli Gas Storage ҳақида тарқалган хабарларга изоҳ берилиши, электр таъминотидаги чекловлар олиб ташланиши, президентнинг рамазон ойи кириб келиши муносабати билан Ўзбекистон халқига йўллаган табриги – “Дарё” нашри бугун, 11 мартда эълон қилинган Ўзбекистоннинг ижтимоий-сиёсий ҳаётига оид эътиборга молик хабарларни бир жойга тўплади.
Тошкентдан Самарқанд ва Қаршига қўшимча “Афросиёб” поездлари қатнови йўлга қўйилади
“Ўзтемирйўлйўловчи” қатнов вақтларини эълон қилди.
Ўзбекистонда лицензияси бекор қилинган нодавлат олийгоҳлар талабаларининг ўқиши кўчирилди
Талабалар ўз танловларига кўра ариза топширган нодавлат олий таълим ташкилотларида 11 мартдан ўқишини бошлади.
Тошкент шаҳрида автомототранспорт воситасини уч босқичда рўйхатдан ўтказиш тизими йўлга қўйилди
Марказда транспорт воситаларига давлат рақам белгиси бириктириш ва қайд этиш гувоҳномасини топшириш жараёни турли бюрократик тўсиқлар ва оворагарчиликдан холи қилинган, инсон омили минимал даражага туширилган.
“Санкциялар остидаги шахсларга ҳеч қачон тегишли бўлмаган”. Gazli Gas Storage ҳақида тарқалган хабарларга изоҳ берилди
Компания унинг мавҳум иштирокчилари ҳақида тарқалган хабарларни асоссиз деб атаб, баёнот билан чиқди.
Ёмғир қорга айланиши мумкин: Ўзбекистонга совуқ ҳаво массалари кириб келиши кутилмоқда
Ҳафта давомида кузатиладиган об-ҳаво ҳақида маълумот берилди.
Ўзбекистонда электр таъминотидаги чекловлар олиб ташланди
Газ босими меъёрий схемага қайтгани сабаб электр энергияси етказиб беришда амалга киритилган чекловлар бекор қилинди.
Кунига уч марта овқатланиш: Санэпидқўмита рамазонда тўғри овқатланиш қоидаларини эълон қилди
Қўмита соғлом овқатланиш ва ошқозон ичак тизими саломатлигини сақлаш учун бир қатор тавсияларга амал қилишга чақирди.
Саид Олимхон бойликлари қанча бўлгани ва улар қаерга йўқолгани ҳақида маълумот берилди
Тарихчи Ихтиёр Эсонов “Муштум” журналида чоп этилган мақоласида Бухоронинг сўнгги амири хазинасидан топилган бойликлар ҳақидаги тарихий фактларни келтирди.
Шавкат Мирзиёев БАА президентини туғилган куни билан табриклади
Ўзбекистон президенти Шайх Муҳаммад ибн Зоид Ол Наҳаён билан телефон орқали мулоқот қилди.
Дин ишлари бўйича қўмита фуқаролардан шубҳали диний мазмундаги материалларни тарқатмасликни сўрамоқда
Ўтган йиллар давомида олиб борилган мониторинг натижалари фуқаролардаги иштиёқдан турли экстремистик ташкилотлар аҳоли орасида ўзларига тегишли бўлган контентларни кенг тарқатишга ҳаракат қилишини кўрсатмоқда.
Тошкентдаги кўп қаватли уй қурилишида 23 ёшли йигит вафот этди
Воқеа 2024 йилнинг 11 март куни содир бўлган.
Шавкат Мирзиёев рамазон ойи кириб келиши муносабати билан Ўзбекистон халқига табрик йўллади
Табрикда бутун Ер юзидаги ислом уммати билан бирга жонажон Ўзбекистоннинг барча мўмин-мусулмонлари ҳам қутлуғ ва муборак рамазон ойини хурсандчилик билан кутиб олгани қайд этилди.
Танзила Норбоева Нью-Йоркда БМТ Аёллар ҳолати бўйича комиссиясининг 68-сессиясида иштирок этмоқда
Сессия қашшоқликни бартараф этиш, институтлар салоҳияти ва молиялаштиришни кучайтириш орқали гендер тенгликка эришиш ва барча хотин-қизлар имкониятларини кенгайтиришга бағишланади.
Изоҳ (0)