Toshkent shahar Yakkasaroy tumani Lacetti va Malibu to‘qnashuvi oqibatida uch kishi jarohatlandi. Bu haqda YHXB xabar berdi.
Ma’lum qilinishicha, holat 23-sentyabr kuni soat 21:30 larda Yakkasaroy tumani Yusuf Xos Hojib ko‘chasi 13-uy qarshisida sodir bo‘lgan. 2002-yilda tug‘ilgan A.K. boshqaruvidagi Malibu-2 va 1996-yilda tug‘ilgan M.Q. boshqaruvida bo‘lgan Lacetti to‘qnashishi oqibatida yo‘l-transport hodisasi sodir bo‘lgan.
YTH natijasida Lacetti haydovchisi va yo‘lovchisi 1951-yilda tug‘ilgan X.T.ga va Malibu-2 rusumli avtomashina haydovchisiga birinchi yordam ko‘rsatish maqsadida shifoxonaga olib ketilgan. Mazkur holat yuzasidan Toshkent shahar IIBB YHXB mas’ul xodimlari tomonidan surishtiruv ishlari olib borilmoqda.
O‘zbekistonda 2023-yilda transport vositasini boshqarish huquqidan mahrum qilinganiga qaramay, qaytadan rulga o‘tirgan shaxslar 707 ta YTH sodir etgan. Buning oqibatda 212 nafar shaxs vafot etgan, 546 nafari esa turli darajadagi tan jarohatlari olgan.
2024-yilning birinchi yarmida O‘zbekiston bo‘yicha qonuniy ravishda o‘qib, haydovchilik guvohnomasiga ega bo‘lgan shaxslar tomonidan 10 million 200 mingdan ortiq qoidabuzarlik sodir etilgan.
Izoh (0)