Алишер Қодировнинг Россия Давлат думаси спикерига берган жавоби, Тошкент вилоятида ҳожатхонага тушиб кетган 2 ёшли бола қутқариб олиниши, Humo’нинг очиқ савдога қўйилиши — “Дарё” нашри бугун, 14 майда эълон қилинган Ўзбекистоннинг ижтимоий-сиёсий ҳаётига оид эътиборга молик хабарларни бир жойга тўплади.
Озодбек Назарбековнинг отаси вафот этди
Жаноза намози Андижон вилояти Шаҳрихон туманида ўқилиши айтилган.
Тошкентда 4 та транспорт воситаси иштирокида ЙТҲ содир бўлди
Ҳодиса оқибатида икки нафар фуқаро тан жароҳати олган.
“Ўзбекистонда яшаётган барча миллатли ватандошлар ўзбек тилини билишлари шарт”. Алишер Қодиров Россия Давлат думаси спикерига жавоб қайтарди
“Миллий тикланиш” фракцияси раҳбари ўзбек тилини билмайдиган инсон давлат хизматларидан ҳам фойдалана олмаслиги кераклигини айтди.
Тошкент вилоятида ҳожатхонага тушиб кетган 2 ёшли бола қутқариб олинди
ФВВ ходимлари 5 метрлик ҳожатхона чуқуридан болани соғ-саломат олиб чиққан.
Фарғонада мактаб ўқувчиларига тарсаки туширган Миллий гвардия ходими лавозимдан олинди (видео)
Идора масъуллари ҳолат юзасидан хизмат суриштируви ўтказган.
“Мақсад фуқаролар ҳуқуқларини ҳимоя қилиш” — Ўзбекистонда қимор ўйинларига нега қонуний рухсат берилгани тушунтирилди
“Қимор ўйинлари сабаб Ўзбекистондан бир йилда тахминан 300 млн доллардан 1 млрд долларгача бўлган маблағ чет элга чиқиб кетяпти”, — дейди масъуллардан бири.
Humo очиқ савдога қўйилади — Давактив
Марказий банкнинг Бош ахборотлаштириш марказига тегишли бўлган Humo тўлов тизимидаги (100 фоиз) давлат улуши тўлиқ Давлат активларини бошқариш агентлигига ўтказилган эди.
Қашқадарё ҳокими 22 нафар масъулни лавозимидан бўшатди
Яна 29 нафарини вазифасидан озод этиш бўйича Республика раҳбариятига тақдимнома киритиладиган бўлди.
Тошкент аэропорти маҳаллий авиақатновлар терминалида тўхташ вақтидан ошиқ турган ҳайдовчилар жаримага тортилади
“Тошкент-3” терминалига кириш йўлагидаги қоидабузарликлар учун жарималар автоматик тарзда транспорт эгасига юборилади.
Тошкентдаги барча транспорт карта сотиш шохобчалари фаолияти тўхтатилади
Транспорт карталарини харид қилиш, ҳисобини тўлдириш ва тариф сотиб олиш хизматлари марказий почта бўлимлари орқали амалга оширилади.
Ўзбекистон автомобиллар бозорида сотувлар камайди
Мутахассисларнинг фикрича, бунинг сабаби автокредитларни бериш қоидаларининг мураккаблашиши билан боғлиқ бўлиши мумкин.
Ўзбекистонда “БМТ-аёллар” тузилмасининг ваколатхонаси очилиши мумкин
Шавкат Мирзиёев БМТ бош котибининг ўринбосари Сима Сами Бахусни қабул қилди.
Қашқадарёда отаси томонидан шилқимликка учраган опа-сингилга холаси васий бўлди
Бу бўйича Қарши шаҳар ҳокимининг тегишли қарори қабул қилинди.
Саида Мирзиёева ва Комил Алламжонов АҚШнинг Ўзбекистондаги элчиси Жонатан Ҳеник билан учрашув ўтказди
Мулоқотда инсон ҳуқуқлари ва сўз эркинлиги соҳасидаги ҳамкорлик истиқболлари батафсил муҳокама қилинган.
Изоҳ (0)