O‘zbekistonning yangi tayinlangan elchisi Saidikrom Niyozxo‘jayev Qirg‘iziston poytaxtiga keldi, deb xabar bermoqda “Dunyo” axborot agentligi.
Ushbu tayinlovdan oldin 2018-yildan buyon O‘zbekistonning Qozog‘istondagi elchisi lavozimida ishlab kelayotgan edi. U 2024-yil avgust oyida amalga oshirilgan ulkan ishlar va ikki tomonlama munosabatlarni mustahkamlashga qo‘shgan katta hissasi uchun Qozog‘iston prezidentining farmoni bilan II darajali “Do‘stlik” ordeni bilan taqdirlangan.
Saidikrom Niyozxo‘jayev 59 yoshda. Toshkent politexnika institutini (hozirgi Toshkent davlat texnika universiteti) tamomlagan. 2015-yilda O‘zbekiston tashqi ishlar vaziri o‘rinbosari etib tayinlanguniga qadar Prezident administratsiyasi va hukumat tuzilmalarida mas’ul lavozimlarda, jumladan, davlat maslahatchisi o‘rinbosari, iqtisodiyot vaziri o‘rinbosari bo‘lib ishlagan.
Saidikrom Niyozxo‘jayev 2020—2024-yillarda O‘zbekistonning Bishkekdagi diplomatik missiyasiga rahbarlik qilgan Xurshid Mirzohidov o‘rniga tayinlandi.
Izoh (0)