Toshkentning Yangi hayot tumanida ikkita Yutong avtobusi ishtirokida yo‘l-transport hodisasi sodir bo‘ldi.
“Toshshahartransxizmat” matbuot xizmatining ma’lum qilishicha, YTH 25-sentyabr kuni soat 06:45 larda yuz bergan. “12-Avtobus saroyi” filiali tasarrufidagi 117-sonli yo‘nalish haydovchisi A.Y. boshqaruvidagi avtobus Xonabod ko‘chasi bo‘ylab harakatlanib ketayotgan vaqtda, tartibga solinmagan temiryo‘l kesishmasiga yetmasdan Quruvchilar ko‘chasi ulgurji bozor bekatiga burilayotgan vaqtda, “1-Avtobus saroyi” filiali tasarrufidagi 55-sonli yo‘nalish haydovchisi SH.SH. boshqaruvidagi avtobus bilan to‘qnashgan.
Dastabki ma’lumotga ko‘ra, hodisa natijasida tan jarohati olganlar yo‘q, avtobuslar texnik shikastlangan.
Ushbu YTH poytaxt YHXB inspektorlari tomonidan o‘rnatilgan tartibda rasmiylashtirilgan. “Toshshahartransxizmat” Harakat xavfsizligini nazorat qilish bo‘limi tomonidan xizmat tekshiruvi o‘tkazilmoqda.
Izoh (0)