Дунё ва Ўзбекистон бўйлаб 26 апрель куни олинган қизиқарли суратларни намойиш қиламиз.

Англиянинг Сли дарёсида сув ичаётган ўрдакча.

Фото: Jam Press

Тошкентдаги «Шайх Зайниддин» (Кўкча) масжиди ҳовлисида таровиҳ намози ўқиш учун йиғилган мусулмонлар. Республика махсус комиссияси ва Дин ишлари бўйича қўмитанинг тавсиясидан сўнг масжидларда таровиҳ намозлари очиқ ҳавода ўқилмоқда.

Фото: «Дарё» / Муҳаммадамин Тошкандий

Мавзуга доир: Ўзбекистонда ўқилган Рамазоннинг илк жума намози — суратларда

Ашхободда туркман мусиқачилари Алабай ити кунига бағишланган тадбирларда чиқиш қилмоқда.

Фото: Reuters

Кетма-кет жорий қилинган локдаундан кейин аста-секин карантин чекловлари юмшатилаётган Италияда официант очиқ ҳавода стол тузаяпти.

Фото: AP Photo

Мавзуга доир: Римда Цезарь ўлдирилган жой биринчи марта сайёҳлар учун очилади

Лондондаги мамлакат бош вазири қароргоҳи жойлашган Даунинг-стрит бўйлаб кетаётган тулки.

Фото: Getty Images

Мавзуга доир: ОАВ: Буюк Британияда «душман давлатлардан» ҳимояланиш тўғрисида қонун жорий этилади

Махсус 2-сонли Зангиота шифохонасининг реанимация хонасида коронавирусга чалиниб, оғир аҳволда ётган беморнинг ётоқ ўрни тепасида илиб қўйилган, катта эҳтимол билан, фарзандлари томонидан чизилган сурат. Унда «Биз сизни яхши кўрамиз ва кутяпмиз», деб ёзилган.

Фото: «Дарё» / Мадина Нурман

Мавзуга доир: Зангиота юқумли касалликлар шифохонасида даволанаётган беморларга вакцина қилинадими?

Буддист роҳибалар Бангкокдаги ибодатхонада газета ўқиб ўтирибди.

Фото: Reuters

Буюк Британиядаги Ҳаддерсфилд тепаликларида содир бўлаётган ёнғин фонида қўзичоғи билан ётган қўй.

Фото: Getty Images

Тошкент шаҳрида кунботар маҳали осмонда кўриниш берган тўлин ой.

Фото: «Дарё» / Мадина Нурман

Ҳиндистонда коронавирус оқибатида вафот этганларнинг жасадини ёқиш учун мўлжалланган очиқ крематорий. Мамлакатда COVID-19 билан кунлик касалланиш сони кетма-кет тўртинчи кун рекорд даражага етди: мамлакатда ўтган бир суткада 349,6 минг кишида инфекция аниқланди, 2624 нафар бемор эса вафот этди.

Фото: Getty Images

Мавзуга доир: Исроилда эмланганларда юрак шамоллаши кузатилмоқда, Эрон ўз вакцинасини ишлаб чиқаришга киришди, Таиландда коронавирус авж олди. Коронахабарлар

Туркманистонда Оқхон лақабли итга халқаро танловнинг бош соврини — «2021 йилнинг энг довюрак туркман алабайи» мукофоти топширилди. Уни тарбиялаган давлат чегара хизматида хизмат қилувчи ҳарбийга Toyota Camry автомобили топширилди.

Фото: «Туркменистан сегодня»

Мавзуга доир: Гурбангули Бердимуҳамедов ўз ўғлини «Туркманистонда хизмат кўрсатган итбоқар» унвони билан тақдирлади

Испаниялик теннисчи Рафаэль Надаль Барселонадаги турнир финалида Стефанос Циципас устидан қозонилган ғалабани нишонламоқда.

Фото: EPA

Тошкент шаҳрида «мигалка» ва «сирена»си ёқилган тез ёрдам автомобили светофордан ўтмоқда.

Фото: «Дарё» / Дилшод Шарипов

Мавзуга доир: Ўзбекистонда «тез ёрдам»нинг битта чақириғи учун неча пул ажратилаётгани маълум қилинди

Шотландияда карантин чекловлари енгиллаштирилиши ортидан Келвингроув музейи Рождество кунидан бери биринчи марта ташриф буюрувчиларга ўз эшикларини очди.

Фото: The Observer

Фаластиннинг Хамас хавфсизлик кучлари битирув маросимида ўз маҳоратини намойиш қилмоқда.

Фото: Getty Images

Шотландияда коронавирус чекловлари юмшатилгани сабаб кўчада миллий чолғу асбобида мусиқа чалаётган эркак.

Фото: The Observer

Чернобиль АЭС фалокатининг 35 йиллиги муносабати билан станция ишчилари яшаган Славутич шаҳарчаси кўчасида радиоактив модда белгиси шаклида ёқилган шамчироқлар.

Фото: Getty Images

Мавзуга доир: Чернобиль АЭСдаги фожиадан кейин 35 йил ўтди. Фалокат зонасининг ҳозирги кўриниши — суратларда

Индонезияда мамлакат флотининг сувости кемаси чўкиб кетиши оқибатида ҳалок бўлган 53 нафар экипаж аъзоси номлари ёзилган гулчамбарлар океанга оқизилди.

Фото: EPA

Мавзуга доир: Индонезия соҳилларида яқинида ғойиб бўлган сувости кемаси уч қисмга бўлиниб кетган ҳолда топилди (фото)

Исломободдаги заргарлик дўкони ишчиси дўкон деворига реклама ўрнатяпти.

Фото: Getty Images

Тошкент шаҳрида содир бўлган вайронкор зилзилага 55 йил бўлди. Суратда 1966 йилги зилзила оқибатларини бартараф этганлар шарафига ясалган Жасорат монументи. Ёдгорлик 1976 йилда ўрнатилган. Монументнинг бир қисми бўлган қора гранитли кубдаги ёриқ зилзилани ифодалайди. Унинг бир томонига зилзила бўлган кун санаси ёзилган бўлса, иккинчи томонида ер силкиниши содир бўлган вақт (05:23) кўрсатиб ўтилган.

Фото: «Дарё» / Мадина Нурман

Германияда гуллаган лолалар орасида турган ит.

Фото: EPA

Истанбулдаги Авлиё София масжиди фонида кўриниб турган Рамазоннинг тўлин ойи.

Фото: Getty Images

АҚШдаги от спортининг асосий воқеаларидан бири – Кентукки дербисига тайёрланаётган тулпор.

Фото: Getty Images

Швейцарияда очиқ осмон остидаги Бад-Рагарц исталляциялар кўргазмаси очилиш маросимига тайёргарлик кўрилмоқда.

Фото: EPA

Екатеринбургда итлар ўртасида кўпкураш чемпионати бўлиб ўтди.

Фото: «ТАСС»

Нью-Йорк шаҳрида эмлаш майдончасига айлантирилган Табиат тарихи музейи шифтига осилган кўк кит модели.

Фото: Reuters

Мавзуга доир: Ўзбекистонда коронавирусга қарши эмланганлар сони 550 минг кишига яқинлашди

Бельгиянинг Ал-сьюр-Семуа қишлоғида уйнинг деворидаги тешикдан юзини чиқариб турган итга қараб турган болакай.

Фото: Reuters

Қуддусдаги фаластинликлар ва Исроил ҳарбийлари билан бўлаётган тўқнашувлар вақтида полиция зобити қуролдан ўт очмоқда.

Фото: Reuters

Бирлашган Араб Амирликлари полицияси аъзолари Дубайдаги савдо мажмуаси олдида ифторликдан кейин намоз ўқимоқда.

Фото: Reuters

Аввалги кунларнинг фотогалереялари: