O‘zbekistonda tez tibbiy yordam tizimida bitta chaqiriqqa dori-darmon uchun ajratilayotgan mablag‘ 2021-yilning birinchi choragida o‘rtacha 6 ming 500 so‘mni tashkil qilmoqda, deya xabar berdi SSV matbuot xizmati.

Foto: “Daryo”

Qayd etilishicha, 2016-yilda dori-darmon uchun ajratilayotgan mablag‘ 500 so‘mdan iborat bo‘lgan.

Shuningdek, mamlakatda 2016-yilda 800 ta “tez yordam” shoxobchalari mavjud bo‘lgan bo‘lsa, bugunga kelib ularning soni 1 ming 666 taga yetkazilgan.

Bundan tashqari, 2021-yil birinchi choragida “tez yordam” brigadalari jami 2 ming 685 taga yetdi. Bu raqam 2016-yilda 1 ming 648 tani tashkil qilgan.

Bundan avval O‘zbekistondagi “tez yordam”ga amalga oshirilgan chaqiriqlarning qariyb 1900 tasi asossiz bo‘lib chiqqani, Toshkentda xonadonga chaqirilgan tez tibbiy yordam shifokoriga bemor tomonidan og‘ir tan jarohati yetkazilgani hamda Jizzaxda chaqiruv bo‘yicha yetib kelgan shifokor xonadon egasining o‘g‘li tomonidan kaltaklangani haqida xabar berilgandi.