Қорақалпоғистонда коронавирус билан касалланган 56 ёшли аёл вафот этди. Бу ҳақда Соғлиқни сақлаш вазирлиги хабар берган.

Хабарга кўра, Нукус шаҳрида яшовчи 56 ёшли З.Д.да 2020 йил 23 июнь куни бош оғриғи, тана ҳароратининг кўтарилиши, йўтал, бурундан сув оқиши, аксириш, қалтираш ва иштаҳанинг йўқолиши кузатилган. Бемор ҳеч кимга мурожаат қилмасдан уйида даволанган.

29 июнь куни эса тана ҳарорати тушмаганлиги сабабли тез тиббий ёрдам машинасида Республика юқумли касалликлар шифохонасига олиб борилган ва изоляторга жойлаштирилган.

Шу куни ундан COVID-19 инфекциясига намуна олинган ва беморда ушбу инфекция борлиги тасдиқланган.

Республика юқумли касалликлар шифохонасида унга COVID-19 инфекциясининг оғир кечиши, шунингдек, икки томонлама пневмония, нафас етишмовчилигининг 3-даражаси, юрак-қон томир етишмовчилигининг 3-даражаси, ўткир респиратор дистресс синдроми ташхиси қўйилган.

Бемор бир неча йил давомида гипертония, юрак ишемик касаллиги билан даволаниб юрган ва назоратда турган. Бундан ташқари, у зўриқиш стенокардияси, гипертония касаллигининг 3-даражаси, артериал гипертензиянинг 3-даражаси, қандли диабетнинг 2-тури, семизликнинг 2-даражасидан ҳам даволаниб келган.

Шифохонада бемор бир неча марта Соғлиқни сақлаш вазирлиги мутахассислари томонидан онлайн консультация қилинган, даволаш жараёни уларнинг тавсияси асосида олиб борилган.

Шифокорлар томонидан стандартлар асосида ўтказилган реанимацион муолажаларга қарамасдан бемор ўткир юрак-қон томир ва нафас етишмовчилигидан вафот этди.

56 ёшли қорақалпоғистонлик аёл коронавируснинг 43-қурбонига айланди.

Бунгача Ўзбекистонда 42 киши коронавирус инфекцияси асоратлари оқибатида: