Соғлиқни сақлаш вазирлиги ҳузуридаги Коронавирусга қарши кураш штаби аъзоси, профессор Ҳабибулла Оқилов нима учун Ўзбекистонда коронавирус ва пневмониядан вафот этганларнинг статистикаси алоҳида берилмаслигини изоҳлади.
«Дарё» мухбири мутахассисга Қирғизистонда коронавирус ва икки томонлама пневмониядан вафот этганлар статистикаси ажратиб берила бошлангани, ушбу тажрибани Ўзбекистонда қўллаш имкониятлари борасида савол берган.
Мавзуга доир: Алишер Шодмонов Ўзбекистонда коронавирус авж олса, тиббиёт оғир вазиятга тушиб қолиши мумкинлигини айтди (видео)
Шунингдек, коронавирусга чалинмаган беморларда зотилжам (пневмония) коронавирус сингари 2 соатдан 4 соатгача муддатда жиддийлашиб кетмаслиги таъкидланди. Пневмония секин-асталик билан шамоллашдан бошланиши, аввал бир томон, сўнг иккинчи томонда бошланиши, 10-14 кун ичида жиддий хавфга айланиши билдирилди. Коронавирус пневмониясида эса айни ҳолат 2 соатдан 4 соатгача қисқаради.
Мавзуга доир: «Бу жуда мураккаб синов ва оғир кураш бўлади» — Шавкат Мирзиёев коронавирус масаласида мамлакат аҳолисига мурожаат қилди
Эслатиб ўтамиз, Ўзбекистонда коронавирус билан боғлиқ вазиятнинг кескинлашаётгани сабабли 10 июлдан 1 августгача мамлакатда қатъий карантин чоралари жорий қилинади. 10 июлдан тўйлар, оилавий ва оммавий тадбирлар тақиқланади, автотранспорт ҳаракати чекланади, буюм бозорлари ва болалар боғчалари ёпилади, халқаро авиақатновлар икки бараварга қисқартирилади, коронавирусдан уй шароитида даволанаётганларга тиббий ёрдам бериш учун мобил гуруҳлар ташкил этилади, Ўзбекистоннинг барча ҳудудлари эпидемиологик тоифаси «қизил» бўлади.
Изоҳ (0)