Ijtimoiy tarmoqlarda ikki nafar fuqaro o‘zaro janjallashgani aks etgan videolar tarqaldi. Holat yuzasidan Toshkent shahar IIBB izoh berdi.
Maʼlum qilinishicha, 25-oktyabr kuni taxminan soat 18:20 larda Matiz va Spark haydovchilari 1998-yilda tug‘ilgan M.J. va 1997-yilda tug‘ilgan U.S. Yangi Sergeli ko‘chasida harakatlangan vaqtida yo‘l talashgan.
So‘ng haydovchilar avtomashinasidan tushib, yo‘lning qatnov qismida jamoat tartibini buzib o‘zaro urishgan. Haydovchilar bu holat yuzasidan IIOga murojaat qilmagan.
Holat yuzasidan haydovchilarga nisbatan Sergeli tumani IIO FMB tomonidan Maʼmuriy javobgarlik to‘g‘risidagi kodeksning 183-moddasi (mayda bezorilik) bilan maʼmuriy bayonnoma rasmiylashtirilgan.
To‘plangan hujjatlar qonuniy chora ko‘rish uchun jinoyat ishlari bo‘yicha tuman sudiga taqdim etilgan.
Izoh (0)