Ekologiya, atrof-muhitni muhofaza qilish va iqlim o‘zgarishi vazirligining Bekobod shahri bo‘limi boshlig‘i xizmat vazifasini bajarayotgan vaqtida pichoqlangandi. Toshkent viloyati IIBB matbuot kotibi gumonlanuvchi shaxs ushlanganini e’lon qildi.
Voqea 19-iyun kuni yuz bergandi. Toshkent viloyati ekologiya, atrof-muhitni muhofaza qilish va iqlim o‘zgarishi boshqarmasi Bekobod shahar bo‘limi boshlig‘i, davlat inspektori M.F. xizmat vazifasini bajarayotgan vaqtida pichoqlangan. Hozirda inspektorga tibbiy yordam ko‘rsatilmoqda. Bemor operatsiya qilinib, jonlantirish bo‘limiga o‘tkazilgan.
Viloyat IIBB axborotiga ko‘ra, holat yuzasidan 19-iyun kuni Bekobod tumani IIB Tergov bo‘limi tomonidan Jinoyat kodeksining 104-moddasi 2-qismi (qasddan badanga og‘ir shikast yetkazish) “i” bandi bilan jinoyat ishi qo‘zg‘atilgan. Gumonlanuvchi shaxs U.X. (1978-yilda tug‘ilgan) protsessual tartibda ushlangan.
Ma’lum bo‘lishicha, holatga shaxslarning o‘zaro kelishmovchiliklari sabab bo‘lib, janjal vaqtida fuqaro o‘zi bilan olib kelgan oshxona pichog‘i bilan tanishi M.F.ga qasddan tan jarohati yetkazgan.
Izoh (0)