Погода в Узбекистане
Ko‘pincha ota-onalar farzandlarini muammolardan himoya qilishga urinib, o‘zi xohlagan kasbini tanlashiga to‘sqinlik qiladi. Biroq ko‘pchilik ularga qaramay, maqsadlariga intiladi. Ota-onasi kasb tanlashiga qarshi bo‘lgan mashhurlar haqida ma’lumot beramiz.
Jennifer Lopes
Bugungi kunda Jennifer Lopesni aktrisa, qo‘shiqchi, yozuvchi va raqqosa sifatida bilamiz. Aslida u advokat ham bo‘lishi mumkin edi — ota-onasi shuni orzu qilishgan. Shu sababli Jennifer Baruch kollejiga o‘qishga kirgan, ammo u yerda faqat bir semestr o‘qigan, xolos. Kollejga kirishidan sal oldin Jennifer “Kichkina qizalog‘im” nomli kam byudjetli filmda suratga tushgan va shundan so‘ng aktrisa bo‘lishga qaror qilgan.
Darhaqiqat, Jennifer o‘z orzusi yo‘lida o‘qishni tashlab, yaqinlarining moddiy yordam va qo‘llab-quvvatlashisiz Manxettenning kichkina kvartirasiga ko‘chib o‘tgan.
Uning ota-onasi qizlarining bu tanlovidan juda xafa bo‘lishgan, chunki ular bu qarorni ma’nosiz deb hisoblashgan va lotinoamerikaliklar qadriyatlariga mos kelmaydi, deb o‘ylashgan (uning ota-onasi puertorikolik edi). Ular Jenniferning tashqi ko‘rinishi bilan kinoindustriyada muvaffaqiyat qozonishi mumkin emas deb hisoblashgan. Ammo Jennifer ularning bu fikrini rad etib, aksini isbotladi.
Jennifer Lourens
Jennifer Lourensning ota-onasi avvaliga qizining aktrisa bo‘lishiga qarshi bo‘lgan. Ular bu kasbni maoshi kam va jiddiy bo‘lmagan ish deb bilishgan. Biroq qaysar Jennifer pul yig‘ib, teatr institutiga o‘qishga kiradi. Agar uning qat’iyatli bo‘lmaganida, bunday go‘zal aktrisani hech qachon ko‘rmagan bo‘lardik.
Dueyn Jonson
Bugungi kunda Dueyn Jonson ko‘proq “Ikkinchi imkoniyat”, “Chayonlar qiroli”, “Forsaj”, “Amazon xazinalari”, “Jumanji: Changalzor chaqirig‘i” kabi filmlarda yulduz sifatida tanilgan. Lekin aslida u eng mashhur kurashchilardan biri edi. O‘zining kurashchilik faoliyatini 90-yillarda boshlagan, o‘sha paytda u otasi Ueyd (Rokki taxallusi bilan mashhur) va ona tomonidan bobosi Piter Mayviyani (ikkalasi ham kurashchi edi) izidan borishga qaror qilgan.
Dueyn bolaligida otasi bilan birga mashg‘ulotlarga qatnashgan va o‘shanda o‘zining “oilaviy an’ana”ni davom ettirishni xohlayotganini anglagan. Johnson bu niyatini otasiga aytganda, u xursand bo‘lmagan, bu kasb unga katta foyda keltirmasligini aytgan. Hattoki u o‘g‘lini bu yo‘ldan qaytarish uchun sportni tark etishga ham tayyor bo‘lgan. Keyin u Dueynga muvaffaqiyatga erishish ehtimoli kamligini aytib, uni fikridan qaytarishga harakat qilgan, lekin o‘g‘li o‘z fikrida qat’iy turgan.
Oxir-oqibat Dueynni onasi qo‘llab-quvvatlagan va erini o‘g‘li bilan birga shug‘ullanishga ko‘ndirgan. Bir necha yil o‘tgach, Rokki nihoyat xotinining iltimoslariga ko‘ngan. Natijada “The Rock” (Qoya) 10 karra jahon chempioni, shuningdek, WWF (World Wrestling Federation) ikki karra interkontinental chempioni va oltinchi Triple Crown chempioni bo‘ldi.
Eminem
Bolaligidanoq qo‘shiqchining onasi bilan munosabatlari yaxshi bo‘lmagan. Qarshiliklar, jumladan, o‘g‘lining musiqachi bo‘lishni tanlashi bilan bog‘liq. Eminem onasi bilan faqat o‘limidan oldin yarashib olishga ulgurdi. Aytgancha, mashhurning onasi uzoq vaqt davomida o‘g‘lini tan olmagan. Eminem buni quyidagicha izohlaydi:
“Kim ham o‘zini tabletkalarsiz yasholmaydigan, alkogolga mukkasidan ketgan ona deb bilishlarini xohlaydi?”
Margo Robbi
Aktrisa bolaligida buvisi bilan fermada yashagan. Tabiiyki, Margoning yashash muhiti ijodkorlikka hech qanday aloqasi yo‘q edi. Shuning uchun qarindoshlar Robbining kino sanoatining bir qismiga aylanganidan hayratda qolishadi.
“Yoshligimda film va seriallarga berilib ketib, onamning oldida ko‘rganlarimni sahnalashtirardim. Men hatto oilamni shoularimni ko‘rish uchun pul to‘lashga majbur qilardim. Behazil! Agar biror narsani xohlasam, meni hech narsa to‘xtata olmaydi”, deydi aktrisa.
Kerri Vashington
Kerry Vashington “Ozod Jango”, “Rey”, “Fantastik to‘rtlik” filmlari va “Janjal” serialidagi rollari bilan tanilgan. Ammo yulduzlikka erishishidan oldin u ota-onasidan ko‘p tanqidlar eshitgan: ular qizi qora tanli bo‘lgani uchun aktyorlik faoliyatida ma’lum bir cho‘qqilarga erisha olmasligini aytishgan.
Biroq Vashington avvalgi qahramonlarimiz singari ota-onasining fikriga qaram bo‘lib qolmagan (garchi ular uni boshqa sohalarda rivojlanishiga yordam bergan bo‘lsa ham). Masalan, ular Kerrini Manxettenning eng yaxshi maktabiga, chet tillari, ijtimoiy fanlar va jahon san’ati tarixi chuqurlashtirilgan o‘qitiladigan maktabga o‘qishga bergan.
Kerri Vashington maktabdagi sahna asarida rol o‘ynaganidan keyin o‘z kasbini tanlagan. 1994-yilda yosh iste’dodlar tanlovida g‘olib chiqib, YoungArts tashkilotining nufuzli mukofotiga sazovor bo‘lgan. Ushbu mukofot puli evaziga u Jorj Vashington universitetiga o‘qishga kirib, ilmiy daraja olgan. Shu bilan birga Kerri aktyorlik mahorati kurslariga ham qatnagan va asta-sekin televizion loyihalarda suratga tusha boshlagan.
Bundan tashqari, bir necha yil avval aktrisa 90-yillarda Jennifer Lopesdan raqs darslari olganini aytgan.
Izoh (0)