Futbol bo‘yicha Qozog‘iston terma jamoasi sardori va “Ordabasi” klubi yetakchisi Asxat Tag‘ibergen uchrashuvdan so‘ng suhbat chog‘ida muxlislardan birini jangga chaqirdi.
“Jenis” jamoasiga o‘z uyida mag‘lubiyatga uchragach, Asxat muxlislar bilan suhbatlashish uchun ular o‘tirgan tribuna yoniga bordi. Jarayon davomida futbolchi va muxlislar o‘rtasida og‘zaki janjal kelib chiqdi.
Suhbat paytida Tag‘ibergenning jahli chiqdi va muxlislardan birini yakkama yakka jangga taklif qildi. Shuningdek tribunadan qilingan haqoratlardan noroziligini bildirib, og‘ir o‘yinlardan so‘ng futbolchilarga ham ruhiy bosimga bardosh berish qiyinligini ta’kidladi.
“Bizda ham hissiyotlar bor. Ko‘ryapsizmi, to‘p darvozaga kirmayapti. Nega sen haqorat qilyapsan?”, deya muxlislardan biriga murojaat qildi.
Ayni damda “Ordabasi” jamoasi Qozog‘iston chempionatida 22 uchrashuvdan so‘ng 39 ochko bilan uchinchi o‘rinda bormoqda.
Ma’lumot uchun, o‘zbekistonlik hujumchi Jasur Yaxshiboyev ham ”Ordabasi” klubida o‘ynaydi.
Izoh (0)