Toshkent shahar Yunusobod tumanida 8 nafar o‘smir yigit o‘rtasida janjal sodir bo‘ldi. Bu haqda IIBB axborot xizmati xabar berdi.
Unga ko‘ra, 21-may kuni taxminan soat 21:00 larda Yunusobod tumani 11-mavze hududida 2005 va 2006-yilda tug‘ilgan 3 nafar voyaga yetmaganlar (R.X., M.A., X.X.) hamda 2006-yilda tug‘ilgan 5 nafar voyaga yetmaganlar (X.A., K.A, Yu.K., A.K, J.Q.) og‘zaki tortishib qolgani va tomonlar o‘zaro janjallashib ketgani aniqlangan. Janjal natijasida hech kim tan jarohati olmagan.
Mazkur holat yuzasidan Yunusobod tumani IIO FMB tomonidan tergovga qadar tekshiruv o‘tkazilmoqda, yakuni bo‘yicha qonuniy qaror qabul qilinishi ta’minlanishi ma’lum qilindi.
Izoh (0)