AQSH sobiq prezidenti Donald Tramp Vladimir Zelenskiy bilan yaxshi munosabatda va u Ukraina rahbarining impichment mojarosi vaqtidagi harakatlarini yuqori baholaydi.
Bu haqda Ukraina OAV amerikalik sobiq yetakchining The Washington Post gazetasiga bergan intervyusiga tayanib xabar berdi.
“Men Zelenskiy bilan yaxshi munosabatdaman. U menga yoqadi”, dedi Tramp.
AQSH sobiq prezidentining so‘zlariga ko‘ra, bunga Zelenskiyning impichment bilan bog‘liq janjal paytidagi harakatlari sabab bo‘lgan.
“Zelenskiy ovozi yozib olinayotganini bilmagandi. U ‘ha, men tahdidni his qildim’ deyish o‘rniga, ‘Tramp hech qanday yomon ish qilmagan’ deya yonimni olgan”, dedi amerikalik siyosatchi.
Eslatib o‘tamiz, o‘tgan hafta Ukraina prezidenti Vladimir Zelenskiy AQSHga tashrifi chog‘ida Respublikachilar partiyasidan prezidentlikka nomzod Donald Tramp bilan uchrashgan edi.
Izoh (0)