Sirdaryo viloyati Mirzaobod tumanida inson hayoti saqlab qolindi, deb xabar bermoqda FVV axborot xizmati.
Keltirilishicha, 1-aprel kuni soat 11:10 da Sirdaryo viloyati Mirzaobod tumani “Do‘ngariq” MFY hududida haydovchi boshqaruvida bo‘lgan Hohan rusumli yuk avtomashinasi yo‘l transport hodisasi oqibatida katta ariqqa tushib ketgan. Haydovchi esa olgan tan jarohati oqibatida yuk avtomashinaning ichida qolib ketgani to‘g‘risida viloyat FVBga xabar kelib tushgan.
Xabarga ko‘ra, voqea joyiga yetib borgan FVB yong‘in-qutqaruv otryadi qutqaruvchilari tomonidan haydovchi qutqarilib, malakali tibbiy yordam ko‘rsatish uchun shifoxonaga yuborilgan. Haydovchining ahvoli yaxshi.
Bundan avval FVV qutqaruvchilari Namangan viloyati Yangiqo‘rg‘on tumanida yong‘inda qolgan ikki nafar bolani deraza orqali qutqarib qolgan edi.
Shuningdek, Farg‘ona viloyati Farg‘ona tumanida 40 metrli quduqqa tushib ketgan fuqaro qutqarilgan edi. Samarqandda esa hojatxonadan chaqaloq qutqarilgan.
Izoh (0)