Samarqandda 15 yoshli bola kanalizatsiyaga tushib ketdi

Samarqand shahrida 15 yoshli bola chuqurligi taxminan 12 metr bo‘lgan yerosti quvuriga tushib ketdi. Bu haqda Favqulodda vaziyatlar vazirligi xabar berdi.

Qayd etilishicha, 23-sentabr kuni soat 17:00 da Samarqand viloyati FVBga Abubakr Roziy ko‘chasida joylashgan 12 metrli yerosti quvuri (kanalizatsiya)ga 15 yoshli bola o‘zining ehtiyotsizligi oqibatida tushib ketgani va uni chiqarib olishda amaliy yordam so‘rab, murojaat kelib tushgan.

Qutqaruvchilar zudlik bilan aytilgan manzilga yetib borib, maxsus qutqaruv asbaob-anjomlari yordamida bolani quduqdan sog‘-salomat chiqarib olib, birinchi tibbiy yordam ko‘rsatgan. Shundan so‘ng malakali tibbiy yordam ko‘rsatish uchun tez tibbiy yordam orqali davolash muassasasiga yuborilgan. Hozirda bola shifokorlar nazoratida.

Mavzuga doir: 

• Zangiotada quduqqa tushib, hushini yo‘qotgan fuqaro hayoti saqlab qolindi
• Chiroqchilik maktab o‘quvchisi vazir e’tirofiga sazovor bo‘ldi. U 6 yoshli bolani quduqdan chiqarish ishida qatnashgandi
• Samarqandda 8 metrli quduqda hushini yo‘qotgan erkak qutqarib olindi (video)