Sirdaryo viloyati Shirin shahrida sodir bo‘lgan yong‘indan 3 nafar voyaga yetmagan bolalar qutqarildi. Bu haqda viloyat FVB xabar berdi.
Unda aytilishicha, 17-fevral kuni soat 14:30 da Shirin shahar “Amir Temur” MFY hududida fuqaro M.B.ning yashash xonadonida yong‘in sodir bo‘lgan. Voqea joyiga yetib borgan yong‘in qutqaruvchilar tomonidan olov soat 14:37 da to‘liq o‘chirilgan.
Yong‘inni bartaraf etish vaqtida xonadon ichida bo‘lgan 3 nafar bola qutqarib qolingan. Shu joyning o‘zida bolalarga birinchi tibbiy va psixologik yordamlar ko‘rsatilgan.
Hodisa natijasida insonlarning tan jarohati olishi va halok bo‘lishi holatlari kuzatilmagan. Hozirda yong‘inning sababi va moddiy zarar miqdori aniqlanmoqda.
20-noyabr kuni Toshkent shahar Mirzo Ulug‘bek tumani, “Lashkarboshi” MFY Niyozbek yo‘li ko‘chasida joylashgan umumiy ovqatlanish joyining dudburonida yong‘in sodir bo‘ldi.
31-dekabr kuni Chilonzor tumanidagi ovqat tayyorlash joyida yong‘in sodir bo‘lgan edi.
Izoh (0)