Toshkent viloyatining Zangiota tumanidagi uylarning birida sodir bo‘lgan yong‘inda bir kishi qutqarib qolindi. Bu haqda FVV matbuot xizmati xabar berdi.
Ma’lum qilinishicha, 31-oktabr kuni soat 17:20 da Zangiota tumani FVBga Nazarbek hududi “Mevazor” mahallasida joylashgan uylarning birida yong‘in sodir bo‘layotgani haqida xabar kelib tushgan.
Shunga ko‘ra 2 ta yong‘in-qutqaruv ekipaji soat 17:34 da voqea joyiga yetib borib, yong‘in soat 17:42 da o‘rab olingan va soat 17:50 da to‘liq bartaraf etilgan.
Qutqaruvchilar yong‘inni bartaraf etish chog‘ida alanga ichida qolib ketgan 1978-yilda tug‘ilgan fuqaroni qutqarib, uning hayotini saqlab qolgan. Shuningdek, xonadonning 250 metr kvadrat maydoni yong‘indan saqlab qolingan.
Fuqaro tez-tibbiy yordam orqali shifoxonaga yuborilgan. Ayni vaqtda uning ahvoli yaxshi.
Hozirda yong‘inning kelib chiqish sababi va moddiy zarar miqdori aniqlanmoqda.
Izoh (0)