“Ro‘yxatdan o‘tkazish davlat raqami belgilarini va qat’iy hisobdagi blankalarni berishda, avtomototransport vositalari, ularning tirkamalari (yarim tirkamalari)ni ro‘yxatdan o‘tkazishda, qayta ro‘yxatdan o‘tkazishda, majburiy texnik ko‘rikdan o‘tkazishda, shuningdek imtihonlarni olishda undiriladigan to‘lovlar stavkalariga o‘zgartirish va qo‘shimchalar kiritish to‘g‘risida”gi buyruq Adliya vazirligida davlat ro‘yxatidan o‘tkazildi.
Unga ko‘ra, to‘lov stavkalari quyidagicha kamaytirildi:
- mototransport vositalari (motosikl, elektromotosikl, moped va skuterlar) va tirkamalarga (yarim tirkamalar) RO‘DRB uchun BHMning 1,5 baravari miqdorida (ilgari BHMning 1,75 baravari edi);
- yaroqsiz holga kelgan, buzilgan yoki shikastlangan bir dona RO‘DRB o‘rniga yangi RO‘DRB berish uchun BHMning 1,5 baravari miqdorid (ilgari BHMning 1,75 baravari edi);
- yo‘qotilgan bir dona RO‘DRB (mototransport vositalari (motosikl, elektromotosikl, moped va skuterlar) va tirkamalar (yarim tirkamalar) uchun) o‘rniga yangi bir dona RO‘DRB berish uchun BHMning 1,5 baravari miqdorida (ilgari BHMning 1,75 baravari edi).
Elektromobillar (gibrid avtomobillar), mototransport vositalari (motosikl, elektromotosikl, moped va skuterlar) va tirkamalarni (yarim tirkamalarni) ro‘yxatdan o‘tkazish uchun BHMning 1,5 baravari miqdorida belgilandi.
Elektromobillar (gibrid avtomobillar), mototransport vositalari (motosikl, elektromotosikl, moped va skuterlar) va avtotransport vositalari tirkamalaridan (yarim tirkamalaridan) boshqa barcha avtotransport vositalarini ro‘yxatdan o‘tkazish uchun BHMning 6,84 baravari miqdorida belgilandi.
Avtortansport vositalari, elektromobillar (gibrid avtomobillar), mototransport vositalari (motosikl, elektromotosikl, moped va skuterlar) va tirkamalarni (yarim tirkamalarni) qayta ro‘yxatdan o‘tkazish uchun BHMning 10 foizi miqdorida belgilandi.
Shuningdek, quyidagi to‘lovlarning undirilishi bekor qilindi:
- yaroqsiz holga kelgan, shikastlangan yoki o‘g‘irlangan avtomototransport vositasi ro‘yxatdan o‘tkazilgani to‘g‘risida guvohnoma dublikatini berish uchun BHMning 70 foizi miqdoridagi to‘lov;
- yo‘qotilgan avtomototransport vositasi ro‘yxatdan o‘tkazilgani to‘g‘risida guvohnoma dublikatini berish uchun BHMning 1 baravari miqdoridagi to‘lov;
- yo‘qotilgan avtomototransport vositasini ro‘yxatdan o‘tkazish haqida vaqtinchalik guvohnoma dublikatini berish uchun belgilangan to‘lov stavkasining 5 baravari miqdoridagi to‘lov.
Ro‘yxatdan o‘tkazish davlat raqami belgilarini berish, yaroqsiz holga kelgan, shikastlangan yoki buzilganlari o‘rniga yangi ro‘yxatdan o‘tkazish davlat raqami belgilarini berishda undiriladigan to‘lovlar stavkalari so‘nggi marta 2023-yilning noyabrida o‘zgargandi.
Izoh (0)