O‘zbekistonda gibrid avtomobillarga ham alohida farqlovchi davlat raqami beriladi
O‘zbekistonda gibrid avtomobillarga ham elektromobillarga beriladigan kabi alohida farqlovchi davlat raqami beriladi.
Xabarga ko‘ra, Vazirlar Mahkamasining 25-martdagi qarori bilan qarorlarga o‘zgartirishlar kiritildi. Unga asosan elektromobillarga beriladigan alohida farqlovchi davlat raqami belgilari gibrid avtomobillarga ham beriladi.
Shuningdek, yuridik shaxslarning avtomototransport vositalarini davlat ro‘yxatidan o‘tkazish yuridik shaxslarni davlat ro‘yxatidan o‘tkazish guvohnomasida ko‘rsatilgan yuridik shaxs nomi, joylashgan joyi, STIR raqami bo‘yicha amalga oshiriladi.
YHXDX organlarida ro‘yxatga olish harakatlarini amalga oshirish uchun asos bo‘ladigan hujjatlarning saqlanish muddati 5 yildan 3 yilga qisqartiriladi.
Ma'lumot uchun, Shavkat Mirziyoyev “Budjetlararo munosabatlarni va soliq ma’muriyatchiligini yanada takomillashtirish to‘g‘risida”gi qarorni imzolagan edi. Hujjat bilan, jumladan, gibrid avtomobillar uchun birinchi marta bojxona stavkalari belgilandi.
