O‘zbekistonda “chiroyli” avtomobil raqamlari 6 ta toifaga ajratilgani va ayrimlarining boshlang‘ich narxlari o‘zgargani to‘g‘risida xabar berilgandi. Tovar-xomashyo birjasining ma’lum qilishicha, avtoraqam savdo tizimida avtoraqamlar onlayn sotuvlarining keskin o‘sishi kuzatilmoqda.
Xususan, 8—21-iyun kunlari “avtoraqam.uzex.uz” vebsaytida jami 12,9 milliard so‘mlik 4,3 mingta avtoraqam sotilgan va bu yuqoridagi qaror qabul qilinishidan avvalgi mos davrga nisbatan 43 foizga ko‘p demak.
Bunda sotilgan avtoraqamlarning soni bo‘yicha o‘sish 2,5 barobarni, xaridorlarining soni bo‘yicha esa 3,3 marotabani tashkil qilmoqda. O‘tkazilgan auksionlar mobaynida bitta lotga o‘rtacha 41 ta takliflar kelib tushgan, o‘sish 23,4 foizni tashkil qilgan.
Ta’kidlanishicha, avtoraqamlar bo‘yicha savdolarning faollashuvi birjaning onlayn-auksioni orqali sotiladigan ro‘yxatdan o‘tkazish davlat raqami belgilari (RO‘DRB) toifalarining kengayishi, shuningdek, ularning ba’zilarining boshlang‘ich narxlarining pasayishi bilan bog‘liq.
Xususan, Toshkentda harflar kombinatsiyasi bir xil bo‘lgan (“ko‘zgusimon raqamlar”) avtoraqamlarning boshlang‘ich qiymati 50 BHM (bazaviy hisoblash miqdori)dan 40 BHMgacha, va mos ravishda har xil kombinatsiyali avtoraqamalarning narxi 40 BHMdan 30 BHMgacha pasaytirilgan.
Izoh (0)