29-yanvardan 4-fevral oralig‘ida o‘zbekistonliklar avtoraqamlar uchun auksion orqali 18,8 mlrd so‘m sarflagani maʼlum bo‘ldi. Bu haqda “UzEx xabarlari” gazetasida xabar berildi.
Maʼlum qilinishicha, ko‘rilayotgan davr mobaynida “avtoraqam.uzex.uz” savdo tizimiga jami 38 068 ta avtotransport vositalari uchun ro‘yxatdan o‘tkazish davlat raqami belgilari joylashtirilgan. Shundan 33 ming 869 tasi jismoniy shaxslar uchun va 4 199 tasi yuridik shaxslar uchun mo‘ljallangan.
29-yanvardan 4-fevral oralig‘ida 4 390 ta avtoraqamlar bo‘yicha auksion savdolar amalga oshirilgan bo‘lib, ularning jami summasi 18 mlrd 793,6 mln so‘mni tashkil etdi. Amalga oshgan bitimlarning 92 foiz ulushi jismoniy shaxslarga (17 mlrd 257,8 mln so‘mga teng 4 184 ta avtoraqam) va 8 foiz ulushi yuridik shaxslarga (1 mlrd 535,8 mln so‘mga teng 206 ta avtoraqam) to‘g‘ri keladi.
Tuzilgan bitimlarning bittasi bo‘yicha o‘rtacha qiymat 4,3 mln so‘mni tashkil etib, sotilgan avtoraqamlarning eng past bahosi 1,7 mln so‘mni, eng qimmat avtoraqamning bahosi esa 345,1 mln so‘mni tashkil qildi.
Bundan tashqari, “avtoraqam.uzex.uz” axborot tizimida ro‘yxatdan o‘tgan talabgorlar soni 644 ming 90 nafarni tashkil etmoqda, shulardan 617 ming 498 nafari jismoniy shaxslar va 26 ming 592 nafari yuridik shaxslarga to‘g‘ri keladi.
Izoh (0)