Yevropa mamlakatlari hukumatlari Isroil hokimiyatining G‘azo sektoridagi harakatlarini qo‘llab-quvvatlashni davom ettira olmasligi mumkin. Bu haqda Yevropa tashqi aloqalar kengashining Yaqin Sharq va Shimoliy Afrika bo‘yicha dastur direktori Julyen Barns-Deysiga asoslanib Bloomberg agentligi xabar bermoqda.
Agentlik tahlilida Yevropadagi Isroilning “eng sodiq tarafdorlari” G‘azodagi urushga qarshi tobora ko‘proq salbiy fikr bildirmoqda. Bloomberg tobora ko‘proq davlatlar Yevropa Ittifoqini Isroilga qarshi sanksiyalar kiritishga chaqirayotganiga e’tibor qaratdi.
“Ko‘plab Yevropa hukumatlari uchun Isroil xavfsizligini ta’minlash bo‘yicha qat’iy va doimiy majburiyatlarga qaramay, Isroil urushini qo‘llab-quvvatlashni davom ettirish mutlaqo imkonsiz bo‘lib qoldi”, deya Barns-Deysining so‘zlarini keltiradi agentlik.
Xususan, agentlik nomi oshkor etilmagan ma’lumotlarga tayanib, may oyi o‘rtalarida Falastinning HAMAS harakatiga qarshi operatsiya boshlaganida, Germaniya Federativ Respublikasi rasmiylarining Isroil bosh vaziri Binyamin Netanyaxu hukumatidan noroziligi kuchayganini qo‘shimcha qilgan.
Ta’kidlanishicha, shu bilan birga, Yevropa hukumatlari Isroilning o‘zini himoya qilish huquqini qo‘llab-quvvatlashda davom etmoqda va Yevropa Ittifoqi sanksiyalari “Vengriya kabi mamlakatlar” tomonidan qarshilikka uchrashi ehtimoli yuqori.
“Bundan tashqari, qurol eksportini qisqartirish bo‘yicha har qanday chora-tadbirlar Yevropa mudofaa kompaniyalariga zarar yetkazishi mumkin, shu bilan birga, Yevropaga havo hujumidan mudofaa vositalari va boshqa harbiy uskunalarni sotayotgan Isroilning javob choralarini keltirib chiqarish xavfini tug‘diradi”, deya ta’kidlaydi agentlik.
Rasman Isroil va Falastinning HAMAS harakati o‘rtasidagi tinchlik kelishuvi 1-martda tugadi. Biroq vositachilarning tomonlarni sektordagi vaziyatni hal qilish bo‘yicha muzokaralarni davom ettirishga jalb qilish urinishlari tufayli janglar qayta boshlanmadi.
18-martga o‘tar kechasi Isroil Mudofaa kuchlari G‘azo sektoriga zarba berishni qayta boshladi. Isroil bosh vaziri Binyamin Netanyaxu hujumlar HAMASning AQSHning o‘t ochishni to‘xtatish rejimini uzaytirish va garovga olinganlarni ozod qilish rejasini qabul qilishdan bosh tortgani sababli davom etganini ma’lum qildi.
G‘azo sektori Sog‘liqni saqlash vazirligi statistikasiga ko‘ra, Isroil bombardimonni qayta boshlagan 18-martdan beri sektorda 3,7 mingdan ortiq kishi halok bo‘lgan, 10,7 mingdan ortiq kishi jarohat olgan.
Izoh (0)