Falastin hududidagi harbiy harakatlar taxminan 14-20 milliard dollarlik vayronagarchilikka olib keldi. Bu haqda Jahon banki prezidenti Ajay Banga ma’lum qildi.
Bangning ta’kidlashicha, mazkur summa Birlashgan Millatlar Tashkiloti va Yevropa Ittifoqi bilan birgalikdagi hisob-kitoblarga asoslanadi.
Ushbu urushning iqtisodiy zarari ko‘p jihatdan uning qanchalik keng tarqalishiga bog‘liq. Agar u tarqalmasa, jahon iqtisodiy tizimiga kamroq zarar yetkazishi mumkin, chunki G‘azo sektori va Falastin jahon iqtisodiyotiga nisbatan kam hissa qo‘shadi, dedi Ajay Banga.
Jahon banki prezidenti so‘zlariga ko‘ra, agar u mintaqada keng yoyilsa, bu butunlay boshqa muammo bo‘ladi. Chunki bu holda u dollar ekvivalenti bo‘yicha ham, qazilma boyliklar, metallar, neft va shu kabi resurslar nuqtayi nazaridan dunyo iqtisodiyotiga katta hissa qo‘shayotgan hududlarda tarqaladi.
Falastin bosh vaziri Muhammad Mustafo 12-sentyabr kuni The Washington Post gazetasida chop etilgan maqolasida G‘azo sektoridagi vayronagarchiliklar va aholining qurbon bo‘lishi misli ko‘rilmagan darajaga yetganini aytgandi. U tiklanish uchun xalqaro darajada ulkan sa’y-harakatlar talab etilishini bildirgan.
Izoh (0)