Daniya pensiya yoshini 70 yoshgacha oshirdi va shu tariqa dunyoning yirik iqtisodiyotlari orasida rekord o‘rnatdi. Bu haqdagi “RIA Novosti” xabar berdi.
Kopengagendan tashqari, yana 14 ta davlat hozirda nafaqaga chiqish yoshini uzaytirmoqda, ularning uchdan bir qismi faqat ayollar uchun o‘zgatiradi. Ko‘pchilik mamlakatlarda fuqarolar odatda 65 yoshda pensiyaga chiqadi. Bu ayollarga ham, erkaklarga ham taalluqlidir. Ammo ba’zi davlatlarda pensiya yoshi belgilangan muddatdan yuqori. Masalan, Avstraliya, Gretsiya va Niderlandiyada bu ko‘rsatkich erkaklar va ayollar uchun 67 yoshni tashkil etadi.
Shvetsiyada 63 yosh, Slovakiya va Fransiyada esa 64 yoshni tashkil etadi. Hindistonda 60 yoshda ham pensiyaga chiqish mumkin, ammo bu bandlik sohasi va yashash hududiga bog‘liq. Turkiyada erkaklar uchun 60 yosh va ayollar uchun 58 yosh, Polshada esa 65 va 60 yoshni tashkil etadi.
Daniyadan tashqari, G20 va Yevropa ittifoqi davlatlarining yana uchdan bir qismi o‘z fuqarolari uchun pensiya yoshini oshirmoqda. Belgiya, Germaniya, Ispaniya, Sloveniyada islohotlar yakunida u 67 yoshgacha, Indoneziya, Latviya (2025-yil) va Litvada 65 yoshgacha, Xitoyda erkaklar uchun 63 yoshgacha va kasb egasi bo‘lgan ayollar uchun 55 yoshgacha, ofis xodimlari uchun 58 yoshgacha oshadi.
Shu bilan birga, bir qancha mamlakatlar faqat ayollar uchun pensiya yoshini ko‘tarishga qaror qilgan. Shu tariqa yosh bo‘yicha jinslar tengligi ta’minlanmoqda. Jumladan, Avstriya, Ruminiya, Xorvatiya va Shveysariya barcha uchun pensiyaga chiqishni 65 yoshgacha oshirgan.
Qozog‘istonda erkaklar uchun pensiya yoshi 63 yoshni, ayollar uchun 61 yoshni tashkil etadi. O‘zbekistonda yoshga doir nafaqa ayollarga 60 yoshdan, erkaklarga 65 yoshdan tayinlanadi.
Izoh (0)