Belgiya bosh vaziri o‘rinbosari Petra de Sutter Nieuwsblad gazetasiga bergan intervyusida Belgiya hukumatini Isroilga qarshi sanksiyalar joriy etishga, G‘azo sektoridagi shifoxonalar va qochqinlar lagerlarining bombardimon qilinishini tekshirishga chaqirdi.
“Isroilga qarshi sanksiyalar joriy qilish vaqti keldi. Bu bombalar yomg‘iri g‘ayriinsoniydir”, — dedi de Sutter.
Uning so‘zlariga ko‘ra, Yevropa Ittifoqi Isroil bilan iqtisodiy va siyosiy hamkorlikni yaxshilashga qaratilgan hamkorlik shartnomasini darhol to‘xtatishi kerak.
Petra de Sutter, shuningdek, bosib olingan Falastin hududlaridan import qilishni taqiqlash va urush jinoyatlarida aybdor zo‘ravonlar, siyosatchilar va askarlarning Yevropa Ittifoqiga kirishini taqiqlash zarurligini aytdi.
Shu bilan birga, uning so‘zlariga ko‘ra, Belgiya Gaagadagi Xalqaro jinoiy sudga portlashlarni tergov qilish uchun ajratiladigan mablag‘ni oshirishi, shu bilan birga HAMASga pul oqimini kamaytirishi kerak.
“Bu terrorchi tashkilot. Terror juda qimmatga tushadi. HAMASni pul bilan ta’minlovchi kompaniyalar va odamlarga nisbatan sanksiyalar qo‘llanilishi kerak”, — deydi de Sutter.
Izoh (0)